Çiçek ayın 23-dä çocuk bayramı yortusu geçti –Türkiye devleti yortusu , angısı doorudulu Turkiye hem bütün dünnenin uşakların serbestliinä.
Yortu Mustafa Kemal Atatürk adına türk bibliotekasında geçti. Çocuk Bayramı demokratiyayı, halkın serbestliini hem inanı gençlerä gösterer. Bu bayram getirer insanın aklına ki, uşakların haklarını korumaa hem onnarın geleceeni kurumaa pek önemni, nışannadı Türkiye Devleti Komrat Baş Konsulu Ȇda Güç: «23 Nisan bizim için pek önemni gün. Bu gün bizim devletimizin temelleri atıldı. Kurucumuz Mustafa Kemal Atatürk bu günü uşaklara verdi, çünkü gelecek onnarın. Bugün hem uşakların, hem bizim, hem da bütün halkların geleceeni kutluyoruz. Bu bayramı kardeşlerimizlän paylaşmaa sevineriz».
Atatürkün fikiriydi, ki devletin gelecä doorudan genç evladlarlan baalı. Onuştan bu gün dünnedä ilk gün oldu, angısı uşaklara adandı, dedi biblioteka başı Vasilisa Tanasoglo: «Bu olay Türkiye Respublikanın başı hem çeketmesi oldu. Atatürk inanardı ki, milletin geleceeyi uşaklardan başlȇȇr. Uşaklar bizim geleceemiz, hem bizim borcumuz büünkü uşaklarımızı ii büüklerä büütmää ».
Bu yıl bayrama katıldılar 100 – dän zeedä üürenici hem studentlär , angıları türk dilini üürenerlär. Misaafirlär için meraklı programa hazırlandı: uşaklar oyunnarı oynadılar, origami yaptılar hem milli oyunnarı gösterdilär, nışannadı Yunus Emre institutundan Kudret Safa Gümüş: «Bizdä gagauzça konuşan uşaklar da var, hem türkçe kurslarına gidennär dä. Bugün onnar oyun oynadılar, el işleri yaptılar hem dans ettlär. Bütün dünnenin uşaklarını kutlarım».
Bügün Çocuk Bayramı diil sade milli maanasını taşıyȇr, ama halklar arası da. O kulturaları birleştirer hem Gagauziyanın türk dünnäsınnan sıkı baalantıyı düzer, açıkladı doktor hem doţent Şükrü Baştürk: «Konuşmalarımız var, gagauz çoçukların katılıcaa gösterili olacek, şiirlär okunulacek , kutlamamaız olacek organizatorlara teşekür ederiz».
Genç pay alannar türkü çaldılar, şiirleri okudular hem milli oyunnarı oynadılar, gösterip kulturanın zenginniini. Toplantının kurucuları çizgiledilär ki, Çocuk Bayramında diil sade uşaklara dikkatlık veriler, ama halklar arası dostluu kuvetleer.
Avtor: A. Çebanova, operator: V. Kıssa, montaj: M. Kazaku
Moldovanın hem Gagauziyanın en mekalı haberleri GRTnın Telegram kanalında!