Kişinövda çiftçilik uurunun infestiţiya forumu geçti. MD Premyer-ministrusu teklif etti investorlara moldovanın çiftçilik bölümünü eni proektlärlän hem eni dostluk baalantılarınınnan desteklemää, nışannayıp, ani MD çiftçilik sektoru -devletin strategiya alanı.
Çiftçilik uurunun infestiţiya forumun süresindä MD premyer-ministrusu Aleksandru Muntänu nışannadı, ani çiftçilik üüru devletin en önemni sektorların biri hem bu uuru ilerletmää deyni investorları çekmää lääzım.
«Elbetki, çiftçilik bölümü- o strategiya sektoru, o neyi biz devletin konkurent vaarlıı gibi adlȇȇrız»,- MD premyer-ministrusu Aleksandru Muntänu nışannadı.
Premyer-ministrunun laflarına görä Moldovada büüdülän hem yapılan malların sayısı Evropa panayırında zeedelener. Bu malların kalitesi üüselmesini gösterer. Buna yardımcı olȇrlarinvestiţiyaların hem zamandaş tehnologiyaların geliştirmesi.
«MD çiftçi bölümün uuruna investiţiyalar-o ekonomikamıza investiţiyalar, angısı pek hızlı Evropa panayırına daalȇr. Bizim baş daavamız-uzun süreli investiţiyalar, angıları vereceklär kolaylık çifçilik uurunu taa zamandaş yapmaa hem çiftçilerä Evropa panayırlarına kendi mallarınnan çıkmaa kolaylık vereceklär»,- Aleksandru Muntänu nışannadı.
MD çiftçi ministrusu Lüdmila Katlabuga sözünü tutarkana çizgiledi, anı çiftçilik bçlümünü büün lääzım diiyştirmää hem taa zamandaş yapmaa.
«MD büün önemni Evropa yolunda bulunȇr. Pek sık partörlarlan lafedärkenä bän söleerim, ani biz büün çatırıkta bulunȇrız hem çiftçilik bölümü diişmäk yolunda bulunȇr. Çifçilit bölümü MD ekonomikasının temel sektorların birisi, angısının Evropa paalıklarına görä ilerlemesi potenţialı büük»,- Lüdmila Katlabuga nışannadı.
Forumun süresindä nışannandı, ani çiftçilik sektoru malları 2024-cü yılda devletin toplu iç malların sayısını 7,1 %-ni kurȇrlar, imäk maalarını yapan sektorunnan birerdä bu sayı 14%-dä etişer. Sektor devletin 45%-nt eksport sayısını kurȇr, 18% iş erlerini hem 69 % devlet topraklarını kaaplȇȇr.
Moldovanın hem Gagauziyanın en mekalı haberleri GRTnın Telegram kanalında!