Komrat kasabasının Yaradıcılık evindä herbir uşak zanaat canına görä bulabiler :estetika gimnastikadan hem şahmatı oyunundan eldän yapan işlerädän hem teatru çevresinädän.
«Bän beenerim baaşışları yapmaa, severim teatru studiyasına gelmää.Pek ii kendimi duyȇrım, serbest».
«Beni burayı kardaşım getirdi.Meraklandım.İstedim denemää becermeklerimi-oldu.Pek sevinerin insannarlan dostlaşmaa,korkmamaa sţenaya çıkmaa».
«Burada şahmatı oynamaa üürendim.Defterlerimiz var,üüreneriz».
«Bän biraz bilärdim şaşki –şahmatı oynamaa , burada taa ii üürendim».
«Bän 2 yıl burayı Kirsovadan gelerim,beendim burasını».
Terbiedennär üürenerlär halk oyunnarını hem vokal incä zanaatını, kaavileştirerlär kendi becermeklerini muzika instrumentlerdä.
«Bän dün seftä geldim. 2 akkord üürendim».
«İsteerim ilerledim çalışmalarımı taa ii olsun bendä .Bu pek ii».
«Bän taa çıkmadım sţenaya,ama pek isteerim .Biz türküleri ,avaları üüreneriz,yardım ederiz kim hemen geldi».
Üüredicilär nışannȇȇrlar,ani bölä buluşmalar yardım ederlär uşaklara açmaa kendi kolaylıklarını hem kurmaa dostluk atmosferasını.
Aleksandr Gribinenko, şahmata üüredicisi, nışannadı: « Biz üüyrederiz uşakları düşünsünnär,analiz yapsınnar. Şahmatı – bu sport,incä zanaat,matematika. İnanȇrım ,ani onnar beki pek kaavi şahmatist olmayaceklar,ama ii insannar olaceklar».
Üliya Azimova, gitara üüredicisi, nışannadı: «5 uşaktan- 4 –dü muzika hem türkü yarışmalarda ödüllendilär. Birinci, ikinci,üçüncü eri aldılar,hem da siiredicilerin prizini aldılar.Bu ii çıkışlar».
Mariya Melkan, Komrat Yaradıcılık evi öndercisi, nışannadı: «Dilerim herbir uşak,angısı yaradıcılık evinä geler aktör mı, oyuncı mı,resimcı mı olsun, ne canına taa yakın. İlerletsin sevgi zanaatını da kısmetli olsun».
Yortunun hazırlayıcıları nışannadılar,ani uşaklar bu gün pay aldılar meraklı master –klasslarda,şennendilär hem ii keyflän burayı her zaman geleceklär.
Moldovanın hem Gagauziyanın en mekalı haberleri GRTnın Telegram kanalında!