Yaz- o zaman açan var nasıl naturada dinennmää. Ama onu var nasıl bozsun türlü böceklerin dalaması. En pek raatsız eder sakırgalar. Onun dalamasından sora o girer insanın deri altına, da var nasıl irin toplasın. Bunun için lääzm yapmaa hepsi kuralları ki korunmaa sakırgalardan.
Sakırgalarlan var nasıl karşı gelmää kasaba parklarında, daalarda, kırlarda hem başka dinnenmäk erlerdä. Ev içinä sakırga var nasıl düşsün diil sade ev hayvannarın yardımınnan, ama insanın rubalarından, kır hem ev çiçeklerdän. Ki olmasın zarar sakırga dalamasından uzmannar nasaat ederlär insan gitemsin o erlerä, neredä sakırgalar büüyerlarä. Bu iş için annattı Komrat daa çorbacılıın baş uzmanı Konstantin Garçu.
«İlkin diil lääzım çıkmaa daa içinä bölä sıcak havada. Ama çıktıysaydı, ozaman insan lääzm korusun kendisini. Adam da, karı da lääzım maasuz rubaylan gitsin. Karı da, adam da lääzım donnarı giisin ölä ki paçalar aşaadan sıkılı olsun yada çoraplar içindä olsunnar. Ki olmasın neredän girsin. O ruba üstündän girmeer. O girer pantalonnardan da çıker neredä ona lääzım. Ki kapmamaa o sakırgaiyi insan lääzım kendini korusun»,-Komrat daa çorbacılıın baş uzmanı Konstantin Garçu nasaat eder.
Sakırgalar aktiv kendilerini duyerlar o vakıdadan açan soluun temperaturası 6 gradus sıcaadan inmeyincä. Da dalasınnar onnarvar niocü mart ayından oktäbir ayınadan. Sakırganın dalaması var nasıl türlü hastalıklara getirsin. Ekledi Konstntin Garçu.
«Lääzım baktırsın kendini ona kim yanında var. Yakışarsaydı onu taa zeedän çıkarmaa. Var bunu iplän yaperlar. Ama taa ii mediklerä danışmaa yardım için. Poliklinikalara küülerdä. Sakırgalar bvar nicä türlü zarar getirsin da insan hiç duymacek. Onnar şindi diil enţefolitnıy, ama var nicä türlü zararlara getirsin»,- ekledi Konstntin Garçu.
Türlü aaraştırmakların haberlerinä görä sakırgaların25 proţenti var nasıl insanı borelioz hastalıınnan ulaştırsın. Bunun için ki zararlanmamaa en ii gitmemää daa içinä yada o erlerä neredä üüsek ot büüyer.