Ferapontyevka küüyün nasaatın oturuşunda bakıldı soruş , bir sıra komisiyaların kurulmasınnan baalı, angıları lääzım yerli kuvetlerin başarılı işi için. Angı kararları kablettilär yerli kuvetlär bizim süjetımızda.
Moldovanın yaşamak erlerindä lääzım kurulsun administrativ komisiyaları , angıları kanona karşı yaptıkları bakacek . Administrativ komisiyasının proektini nasaatın oturuşunda açıkladı küü primarı Elena Odnostalko. Bu proekt almadı lääzımnı seslerin sayısını da bu üzerä geçirildi bu oturuşa. Kandidaturaları,angıları lääzım girsinnär bu komisiyaya açıkladı oturuşta küü nasaatın sekretari Tatyana Jelihovskaya.
“Administrativ komisiyasının kurulması — bu primarın kararı. O teklif eder komisiyanın başı olsun Valentina Nedova, onun yardımcısı Konstantin Kiroviç, sekretar — Tatyana Jelihovskaya. Komisiyanın azaları olaceklar — Татьяна Жерновая, Вячеслав Сухин, Алла Мазуренко, Михаил Березов, nicä cümnä temsilcisi hem Aleksey garçu — Ferapontyevka küüyünda poliţiya inspektoratın çalışanı”,- nışannadı küü nasaatın sekretari Tatyana Jelihovskaya.
Nasaatçılara teklif edildi onnarın bakışlarına görä kendi kandidatlarını bu komisiyaya belli etmää.
“Bän ilktän taa bu soruşu sizä hazırladım. O girärdi iş planına amma siz genä kayıl olmadınız o kandidaturalarlan. angılarını bän verdim. Bän söledim verin kendi kandidaturalarınızı. Bu komisiya lääzım çalışsın. Bän onu isteerim kurmaa, siz kayıl diilsiniz ”,- söledi Ferapontyevka küüyün primarı Elena Odnostalko.
Nasaatçılar birkaç kandidatura teklif ettilär, ama bu sefer da yoktu lääzımnı sayıda ses, ki bu soruş geçsin deyni. Bundan sora onnar aukţion komisiyasını kurdular. Bu soruşta nasaatçılar kendi kayıllıını gösterdilär.