Moldova devletindä hazırlȇȇrlar administrativ reformasını. «Kuvetli primariyalar» konţepţiyasında, angısını belli etti MD Hükümetin Genel sekretari Aleksey Buzu, belli ediler, ani minimum 3 bin kişi herbir yaşamak erindä lääzım olsun, rayonnarda yaşayannarın sayısı — 32 — dän -10 kadar. Hükümet sayȇr, ani reforma verecek kolaylık taa kaliteli yapmaa koşulları, kaavileştirmää erli administraţiyaların finans kolaylıklarını hem da işlettirmää Evropa fondlarını.
Moldova Devletin Hükümet Genel sekretarin Aleksey Buzunun laflarına görä, en büük problema var diil büük primariyalarda. Maasuz orada hızlı iisiler insan, taa sık yok en lääzımnı koşular, bölä nicä su hem da kanalizaţiya.
«Erli devletin uurunda yaşayannarın sayısı isildisidi 13,9%, o zaman küçük primariyalarda, neredä yaşȇȇr diil taa az 3 bin kişidän, yaşayannarın sayısı küçüldü 32% dan»,- Aleksey Buzu nışannadı.
Hükümettä çizgileerlär, ani reformayı brakmaa bir tarafta başka yok nasıl. Öndercilär nışannȇȇrlar, ani zamandaş sistema başka cevap etmeer insannarın harçlarına, may alez diil büük yaşamak erlerindä.
«Bu koşullarda reforma diil sade lääzım geçirilsin, ama o çoktan beklenärdi. Da türlü argument onun için, ani lääzım onu beklemää, sayılȇr saymamak erli kuvetlerin temsilcilerinä, may alez te o insannara, angılarında hep taa yok 2026 — ci yılda su hem kanalizaţiya»,- o söledi.
Reformanın en baş kuralı olacek o, ani küüydä lääzım minimum 3 bin kişi olsun.
«Konsultaţiyaların çıkışlarına görä biz geldik ona, ani primariyalar sayılsınnar deyni kaavi hem da işlesinnär, minimum lääzım olsun 3 bin yaşayan. Onun için 2027 — ci yılın seçimnerindän sora Moldova devletindä kalmayacek hiç bir da primariya, neredä olacek diil taa az 3 bin kişidän»,- Buzu annattı.
Administrativ reforması birkaç yıla kadar sürtecek, da nıcä nışannȇȇrlar hükümet temsilcileri, o lääzım yapsın primariyaları taa kaavi finans tarafından hem yaşayannar kabletsinnär kaliteli koşulları. Yarın konţepţiya bakılacek Parlamentin oturuşunda.
Moldovanın hem Gagauziyanın en mekalı haberleri GRTnın Telegram kanalında!