Canavar ayın 7-dä halklaarası advokatlar angıları alındılar korumaa Gagauziya başkanını, Uilyam Jüli hem Gonsalo Boye, başkanı 13-cü kapanda tutmak koşullarınnan tanıştılar. Bundan sora onnar kimi açıklamakları yaptılar.
Halklararası advokatlar Uilyam Jüli hem Gonsalo Boye canavar ayın 7-dä Gagauziya başkanını Guţul Evgeniyayı kapanda dolaştılar. Bundan sora onnar kimi açıklamakları presa temsilcilerinä deyni yaptılar.
Uilyam Jüli Halklararası advokat: «Evgeniya Guţul ii halda bulunȇr hem bakmayarak koşullara, angılarında onu tutȇrlar, kaybetmeer inanı. O pek özleer kendi uşaklarını, onun var kuvedi ileeri dooru da dooruluk için güreşmää, çünkü sabaa Apeläţiya palatasının oturuşu geçecek».
Kişinöv Apeläţiya odasında Gagauziya başkanı Guţul Evgeniyanın işin bakılması canavar ayın 8-dä geçsin lääzım.
Gonsalo Boye Halklararası advokat: «Siz, nicä presa temsilcileri lääzım biläsiniz o argumentlär için, angılarının biz sabaa temsil edecez. Ama biz onnarı kapandan ayırı hazırlayacez».
Uilyam Jüli Halklararası advokat: «Hepsi sabaakı oturuştan çekiler. Eer saaba Evgeniyayı kolverärseydilär, onun olacek kolaylıı ev arestindä bulunmaa. Eer ama kolvermärseydilär biz, onun kolverilmesi için, kullanacez hepsi halklaarası kolaylıklarını,çünkü o diil lääzım bulunsun kapanda».
Aklınıza getireriz, ani Gagauziya Başkanına Guţul Evgeniyaya ilk uurda daava kurumunnan 7 yıllık kapan verildi.
Moldovanın hem Gagauziyanın en mekalı haberleri GRTnın Telegram kanalında!