Kıpçak küüyün Pobeda kolhozunda belli oldu domuz afrikan çuması. Mart ayın 12-dä Hatalı olaylarında komissiyası maasuz oturuşu geçirdi. Çorbacılıın teritoriyasında profilaktika karantini giriştiriler hem geçiriler olaylar ki infekţiya ilerlämesin.
Kıpçak küüyündä geçti hatalı komisiyasının oturuşu angısına katıldılar imek malların korumasında agenstvasının, hatalı izmetlerin, erindeki administraţiyasının temsilcileri hem veterinar uzmannarı. Kabledildilär ölçülär infekţiya erlerin yok etmesindä, haberledi Valeriy İvasenko Komrat- Çadır- Lunga imek mallar korumasında bakannıın başın yardımcısı.
«Hatalı olaylarda komisiyasının oturuşunda Kıpçak küüyündä kabledildi üç kural, ki domuzların afrikan çuması kaybelsin Pobeda kolhozunda. Yok edilecek infekţiya sebepi hem yapılaceklar hepsi dezinfekţiya olayları. Bu plan kaavilendi»,- haberledi Valeriy İvasenko.
Ayırı bir dikkatlık veriler insannarın haberlenmesinä. Yaşayannara sölerlär sanitar normaları baksınnar hem da hayvannarı bir erdän başka erä geçirmesinnär veterinary izmetlerin izini yokkana, — urguladı Gagauziya çiftçilik bakanı Sergey İbrişim: «Bakannık komitetinnän hem başkannan barabar monitoringı götüreriz, bakêrız hem savaşacez bütün kuvedimizi koymaa ki afrikan çuması Kıpçaktan çıkmasın hem ikerlämesin, çünkü biz bileriz, ani bu infekţiya büük zararları var nicä getirsin domuzların sayısına. Danışêrım hepsi çiftçi adamnara, hepsi yaşayannara, kimdä var evdä domuz, savaşın sizä taa aaz yabancı kişilär gelsinnär, imää domuzlara almaa sadece kontrollü erlerdän, gitmämää o küülerä neredä karantin, ki getirmemää infekţiyayı. Bikeriz ani er olarsaydı neredä sa taa, izaman lääzım olacek yok etmää hepsini».
«Evlerdä neredä insan baker domuz lääzım bio koruntuluyu baksınnar angısına girer dezinfekţiya araçların kullanması, maasuz rubalara giimnäk açan hayvannara giderlär hem da hayvannarı kapalı erlerdä tutmaa»,- ekledi Valeriy.
Uzmannar sölerlär ani afrikan çumasının virusu insan için diil korkulu, ama hayvannar için ulaştırıcı hem da zarar çiftçilik sektoruna getirer.
Avtor: A. Karapirä, operator hem montaj: L. Arfonos
Moldovanın hem Gagauziyanın en mekalı haberleri GRTnın Telegram kanalında!