Komratta iki günün süresindä geçer sergi neredä erli kurumnar kendi mallarını satȇrlar. Olya giçiriler Alış-veriş palatasınnan Komrat primariyanın yardımınnan hem GİZ kurumunnan.
Avtonomiyanın yaşayannarında var kolaylıkları satın almaa erli küöük hem orta kurumnarın mallarını, angıalrı savaşerlar akliteli yapmaa o işler angıları taa çok lääzım insannara. Tekstil kurumu ilerler Çadır kasabasında sölеer onun başı Vera Koşarnaya. Onun kurumunda çalışer 6 insan.
«Ȇksport bzidä yok, ama biz meraklanȇrız onunnan, ani dikeriz insannarın istemelerinä görä»,- sölеer onun başı Vera Koşarnaya.
Kazayak küüyündä büderlär lavanda. İdeya getirmää onu bu küüyä geldi İvanna Köksala: «Bölä uurda olaylar ilerlederlär alişverişçilii, bizim insannar üürenerlär malları, taniyerlar onnarı, angıları yapılı bizdä, Moldovada , Gagauziyada. Onnarda var kolaylık gçrmää, datmaa hem satın almaa».
Ekaterina Molla kocasınnan hem aylesinnän 40 ektar baa işlerlär, üzümdän şarap yaperlar. Onnarın malları sevgiylän hem sıcaklıklan yapılı urguler Ekaterina.
«Yaper üç türlü şarap, kaberne, merlo hem roze. Hepsi onnar kuru şarap, çiftçiliklän biz zanaatlanerız çoktan. Bizdä var 40 ektar baa»,- Ekaterina Molla sölеer.
Sergidä var nicä satın almaa ustacıların işlerinida taftadan, bizuteriya, blezik, kiyattan yapılı işleri, banta, oklava hem başka. Nicä sölerlär halk ustacıları, herbir yapılmış mallda bizim canımız koyulu, onnar unikal. Da ne biz bileriz isteriz onu korumaa.
«İlk bän sayerım, ani lääzım koruyalım adetlerimizi, bunun için geldik sergiya»,- dedi Galina Gagauz.
Alış-Veriş palatanın filialın başı Mihayıl Paşalı nışannadı, ani bu ilk bölä sergi kiilerletmää deyni orta hem küçük kurumnarı Gagauziyada.
«Düşüneriz ileri doruda bu bölümü ilerletmää, angısı baalı orta hem küçük bizneslan, dil saklı ani Moldovada 95 proţent kurum — bu orta hem küçük biznes, onnar 65 proţent iş erlerini vermää. Da biz lääzım esaba almaa, da yardım etmää onnara, ki ilerlesinnär, satsınnar»,- Mihayıl Paşalı nışannadı.
Nicä nışannadı, Komrat kasabanın primarı Sergey Anastasov kasaba lääzım ilerlesin türlü sferalarda, maasus ekonomika uurunda.
«Biz sevineriz, ani siz burada bu sergiyi geçirersiniz, bizdä var çok birleşik proekt, da şükür ederiz GİZ kurumunu yardım için»,- nışannadı primar Sergey Anastasov.
Sergi geçiriler iki günün içindä. hazırlaycılar urguladılar, ani leri dooruda bölä olayları geçireceklär ki bizim erli kurumnarı taa çok insan bilsin.
Moldovanın hem Gagauziyanın en mekalı haberleri GRTnın Telegram kanalında!