Ambroziyaylan güreşmak — Moldovanın çoyu yaşamak erlerin probleması kalȇr. Bu ot işleyämeyän toprakta pek hızlı yayılȇr hem onun çiçek tozu insanda alergiyayı var nasıl ilerletsin. Uzmannar haberleerlär vakıdında ambroziyaylan güreşmäk için. Taa geniştän bunun için süjetımız.
Ambroziya yol kenarlarında, boş erlerdä, trotuarların yanında hem da özel topraklarda büüsün var nasıl. Onu yoketmää deyni hem komunal hizmetleri, hem da evlerin saabileri güreşsinnär lääzım. Komratta cümnä erlerindä ot biçmäk komunal izmetçilerin tarafından yapılêr. Ama uzmannar deerlär, ki insanın topraklarında hem evlerindä ambroziyanın yoketmesini saabilär baksınnar lääzım.
İVAN KARAMAN Komrat komunal çorbacılıı başı
«Biz insannarın danışmaklarına görä çıkȇrız da biçeriz ambroziyayı, ama savaşȇrız ölä da bütün kasabadan geçmää, ki otu biçmää».
Kasabanın sokaklarında otu biçmää deyni özel uzmannar işleer. Onnarın laflarına görä, neredä ambroziya otları çok büüyerlär o dolayın insannarı haber komunal çorbacılaa versin lääzım.
İVAN KARAMAN Komrat komunal çorbacılıı başı
«Her o ot insanın evin dolayında büyärsä, ozaman onnar kedileri lääzım ondan kurtulsunnar, ama er sokaktaysa – ozaman biz gideriz da keseriz onu. İnsan açarsa telefonu da därsa, ki onun dolayında sokakta var ambroziya , ozaman biz biçeriz o otu».
Komunal izmetlerin işçileri deerlär, ki onnar vakıdında otları biçmää gideerlär. Uzmannarın laflarınagörä, bu sezon kasabanın büük bir bölümü ambroziya otundan paklanıldı.
«Ambroziyayı bütün sezon süresindä hiç görmedim da, karşı gelmedim onnan. Biçtik otları Dubinina sokaanda, Kukuruznıy dolayında da , ama görmedik. Kasabanın öbür kenarından bu kenarınadan geçtik ».
Yaşayannarın birazı açıklȇȇrlar , ki ikidä birdä ambroziyayı başka otlardan ayıramȇȇrlar.
«Bän hiç bilmeerim nesoy o ot hem nicä onu tanımaa».
İnsannar sayȇrlar , ki kurtulmaa deyni bu ottan lääzım ayırı metodları kullanmaa.
«Sık göreriz onu . Sayȇrım, ki onu lääzım nesoysa himiya ilaçlarınnan serpmää da bunu lääzım o insan yapsın , angısı işleer bu uurda ».
«Esap almadım taa onu , beki da var».
Uzmannar haberleerlär, ki ambroziyaylan güreşmäk vakıdında olsun lääzım, ki onun çiçek açmasını raslamamaa. Cümnä erlerdä otları hem ambroziyayı biçer komunal izmetleri, insanın kendi topraklarında bu iş için kendi ev saabileri cuvaplı.