«Ana dilimiz» festivali, Ana dilinä, tradiţiyalara, gagauz halkına adalı Komradın Kultura evindä geçti. Kultura oluşu bütün avtonomiyadan talantları birleştirdi.
Sţenada yaradıcılık kolektivleri, genç türkücülär, folklor ansamblileri. Siiredicilär gagauz kulturasının zengin varlıını temsil etti – halk hem avtorluk türküleri, oyunnarı, peetleri Ana dilindä. Festival haliz yaradıcılık hem Ana lafına sevgi yortusu oldu. Çoyu pay alannara deyni o milletliin korumak oluşu oldu.
« «Küçük sevda» kolektivi Kazayaktan türkülerinnän geldi».
«Biz Çeşmäküündän geldik festivaldä pay almak için».
« «Gagauziya, kalk ayaa» türküsünnän publikaya çıktım».
«Ana dilimiz» festivali – evlad boyların kultura baalantıları meydanı.
«Bu bizim kulturamız, istoriyamız. Dilsiz devlet yoktur. Dilimizin kıymetini bileriz».
«Gagauziyada okadar çok talant var. Sergiyi siirettik. Nekadar talantlı resimcimiz».
Festival yıl-yıldan pay alannarın sayısını zeedeleder. Bu sıra da Komrat talantlı gençlerimizin toplam eri oldu, belli etti Primar yardımcısı Stepan Kara. Oluşun iniţiatoru – avtonomiyanın baş kasabasının öndercilii.
«Yıl-yıldan fetivaldä türlü uurlarda körpä uşaklarımız pay alȇrlar»,- Stepan Kara nışannadı.
«Festival gagauz dilin genişletmäk uuruna çalışȇr. Enidän bizdä avtonomiyanın üç dolayanından pay alannar»,- Komradın Kultura evi başı Marina Manjul nışannadı.
«Ana dilimiz» festivali Komratta taa bir kerä yınandırdı, ani: ana dili orada yaşȇȇr, neredä onu severlär, koruyȇrlar hem evlad boylarında ilerlederlär.
Moldovanın hem Gagauziyanın en mekalı haberleri GRTnın Telegram kanalında!