Gagauz Erin şahmata hem şaşki klubu 5 yıl geeri kuruldu. Bu yılların içindä klubun intellektual oyuncuları üüsek uurlara çıktılar. Büünkü gün Moldovanın reytingında avtonomiyanın şahmatacıları ikinci erdä bulunȇrlar.
Geçennerdä Bulgariyada geçirilän halklararası şahmata yarışmasından ödüllärlän döndülär. Geçirilerlär yarışlar burada Komratta da.
Komrat dolay administraţiyasının yardımınnan iyun ayın 23-ndän 25-inä kadar avtonomiyanın baş kasabasında şahmata yarışı geçecek. Ona yakın 100 kişi Moldovanın türlü dolaylarından katılacȇk. Bunun için laf «Gagauziya Gün Gündän» programasında gitti musaafirlärlän: Andrey Çeşmedjiylän, Gagauz erin şahmata hem şaşki klubun başınnan hem Georgiy Manastırlıylan, Komrat dolay administraţiyasının kultura, sport hem gençlik bölümünün başınnan.