At-Prolin beygir ferması – o bir er angısını doorudan saerlar Gagauziyanın hem Moldovanın zenginnii. Burada bakȇrlar özel soyda sport uurunda beygirleri, angıların büük önemnii var. Ama şindi fermada diil kolay vakıt. Yakın iki yıl selekţiya işi may yapılmȇȇr, kurum durȇr. Angı soruşlar lääzım fermada çözülsünnär sıradakı süjettä.
«At-Prolin» beygir fermasının başın Saveliyin Tukan laflarına görä, en önemni daava şindi – enidän başlamaa selekţiya işini yapmaa hem kurmaa koşulları ki beygirlär ilerlesinnär.
SAVELİY TUKAN «At-Prolin» beygir fermasının başı
«Canımız acıyȇr, açan göreriz bu fermada bölä durumu, isteeriz ki ilerlesin, korunsun hem beygirlerin soy uuru taa islää olsun. Beygirlär diil prost – ama selekţiya yok – iki yıl bu iş durȇr, yok kuliciklär da. Onnar, angıları kalmıştılar Konstantin Vasilyeviçtän – o bu uurda işledi 40 yıl, o kulilär büüdülär, ama satılmadılar, nicä bu olardı taa ileri. Burada var kimi zorluklar – lääzım almaa kayıllık dokumentini beygirlerin notalanması için, ama lääzım almaa esaba kurulan durumu – paalar üüsek – insannar enseyämer onnarı..danışȇrım kuvetlerä – bekim bakılacek soruş biraz paaları küçültmää ihtär beygirlerä, neçin ki onnar bizdä 7var».
Nicä nışannadı kendisi Saveliy Tukan beygirlär şindi islää durumda. Onnarın aardına bakȇrlar. Ama fermanın dolay yanında lääzım çok türlü işlär yapılsınnar. En ilkin lääzım aullar yapılsınnar – onnarı çok yıl düzmemışlär ,- dedi Saveliy Tukan.
SAVELİY TUKAN «At-Prolin» beygir fermasının başın
Инт«Fermanın dolayında aullar betondan yıllarca düşmüşlär, onnarı may bişey tutmȇȇr. Açan yaamur yaayȇr biz bakȇrız – acaba angısı gene düşecek. Buna lääzım maasuz tehnika, ani kaldıracek doorudacek onnarı. Birkaçı plitaların heptän daanık – bekim var neredän almaa da diiştirmää onnarı. Diil bir keret adamnar, ani çok yıl burada işleerlär, söleerlär, ani yaamurda çıkaröıştılar beygirleri aaramaa».
Düzülsün lääzım ev neredä çalışannar durȇrlar. Burada ard duvar ayırılmış yapıdan. Birkaç yıl geeri diiştirilmiştilär pençerelär, ama başka işlär ilerlämemişlär. Burada büün soba yapmışlar hem işçilerä deyni yıkanmaa er. Hep ölä da beygirlerin yapısında da lääzım ard duvar düzülsün. Bunnarı lääzım maasuz yapmaa, çünkü ondan çekiler hayvannarın korkunçsuzluu hem çalışannarın iş koşulları, — dedi Saveliy Tukan.
SAVELİY TUKAN «At-Prolin» beygir fermasının başın
«Bir duvar gider, erlär da hep ölä. Bilmeerim nekadaradan taa tutacek, ama onu kaaviletmää deyni lääzım düzmää betondan 10 metra yapidan bir duvar gibi 30-40 metraya – aul gibi olsun. Beygilerin da erlerindä bölä lääzım yapmaa yapının bütün uzunnuuna».
Ayırı bir soruş – beygirlerä imeliin hazırlanması. Büün ne var fermada – onnar kasım ayınadan eteceklär, ama kış iöin yok, dedi Saveliy Tukan.
SAVELİY TUKAN «At-Prolin» beygir fermasının başı
«İmää büünkü gündä var, biz saerız, ani onnar eteceklär Kasım ayın sonunadan. Ama ilerdä taa kış. Biz bulduk alaf, ama kurumda her ay bu iş için kalȇr 14 bin ley – ama alafları lääzım birdän almaa satıcılardan – buna lääzım yakın 100 bin ley, ani hepsini almaa. İnsannar azar azar istämerlär işlemää. İsteerim danışmaa GHT, ki geçirsinnär başka aylardan paraları o vakıda açan lääzım almaa alaf beygirlerä»
Var problema alafların korunmasında da. Onnarın bir payı örtülmedik açık gök altında bulunȇrlar.
SAVELİY TUKAN «At-Prolin» beygir fermasının başı
« Bizä lääzım yapmaa örtü yada ne sä, ani korumaa deyni yaaöurdan kaardan hepsi alafları. Bir var, ama lääzım taa bir. Yaamur altında durup onnarın 20-30 proţenti çürüyer – onnar hepsi para. Hep ölä da alafları hazırlamaa deyni bizä lääzım tehnika, ani biz kendimiz da biçelim da ot hazırlayalım. O bekim bir yılın bücetin parasını tutacek, ama sora kolay olacek kendi kuvedimizlän işi yapacez».
Saveliy Tukan urguladı, ani At-Prolin o Ggauziyanın özel zenginnii.
SAVELİY TUKAN «At-Prolin» beygir fermasının başı
«O bizim Gagauziyanın üzü, özellii. Biz bununnan gurur duyȇrız kendimizi.Ama bunun için biz lääzım kuvedimizi koyalım da baraba cümnäylän, kuvetlärlän işleyelim, ani burası ilerlesin, korunsun. Ki burayı çok turist gelsin, bizim insannar gelsinnär, uşakları getirsinnär».
Taa bir önemni soruş, angısını açıkladı Saveliy tukan – o derecik. Burada varmıştı gölcääz, ama o dolmuş bataklan. Onu lääzım paklamaa, ani beygirlär su içsinnär oradan. Hep ölä da Saveliy Tukan haberledi, ani geçirerlär lafetmeklär diil hükümetli kurumnarlan, ki ileri dooru güneş panellerini koymaa fermada, ani taa kolaylatmaa burada hepsi işleri.