Cümnä temsilcileri Gagauz avtonomiyanın kuvetlerini Halk Topluşuna seçimnerin geçirilmesindä durumu tutturȇrlar. Buluşmak Bakannık komitetin yapısında geçti.
Buluşmanın sırasında Gagauziyanın cümnä kurumnarın temsilcileri avtonomiyanın önderciliinnän Halk Topluşuna seçimnerinnän var olan durumu açıkladılar. Вuluşmada pay aldılar orgkomitetin azaları syezdin geçirilmesindä. Orgkomitetin sopredsedateli İvan Burgucı sayȇr, ani deputatlar lääzın Sırasız topluşu aprelin 14 – dä.
«Biz sayȇrız, ani siz aprelin 14-dä oturuşu lääzım geçiräsiniz dä var olan soruşları kaldırasınız hem inandırarsınız. Biz lääzım bilelim, ne siz kanona karşı yaptınız»,— İvan Burgucı sayȇr.
Cümnä temsilcileri belli ettilär önemli davayı, neredä taraflar düşer yapsınnar hepsini, ki merkez kuvetlerinnän annaşsınnar.
Lidiya Danilova orgkomitetin pay alanı: «Burada primarlarlan, erindeki nasaatlarlan iş lääzım yapılsın, çünkü onnar lääzım olacek insannarlan buluşmakları geçirsinnär».
Halk Tpluşun başın bir vakıda işini yapan Nikolay Ormancı problemaları belli etti, angılarından GHT seçimnerin geçirilmesi çekiler.
«Kimsey kendi deputatlık erlerindän tutunmȇȇr. Biz ikinci kerä seçimnerin datasını belli ettik, çünkü HT hakı seçimneri belli etmää, MSK kurmaa- hepsi da kanona görä»,- Nikolay Ormancı sayȇr.
Bakannık komitetin başın ilk yardımcısı İlya Uzun cümnä kurumnarını vatandaşlık bakışı için şükür etti.
«Gagauziyada şindiki politika durumu sizi dalgalandırȇr hem bir tarafta kalmȇȇrsınız. Tutturmak için saa olun»,- İlya Uzun söledi.
GHT seçimnär soruşu avtonomiyanın büünkü günä baş soruşuydur.
Moldovanın hem Gagauziyanın en mekalı haberleri GRTnın Telegram kanalında!