Kuvancılık- çiftçilik bölümün en eski zanaatı, da bu işlän Vornikov aylesi 50 yıldan zeedä çalışer.
Vornikov aylesi Çadır kasabsından kuvancılıklan çekettilär zanaatlanmaaedenip birkaç hotul. Şindi onnarda üzdän zeedä hotul var. Aylä işin başı İvan Vornikov kendi becermeklerini bu uurda verdi uşaklarına hem unukalarına da kuvancılık şindi oldu aylä adetinnän.
«Ozaman açan benim bobam işlärdi, ama o 45 yıl kolhozda kuvancı çalıştı. Bän yardım edärdim ona. Ama kendibaşıma kuvancılıklan zanaatlanmaa çekettim 18 yaşından. Açan bobam başladı bana hotulları da te 42 yıl nicä da benim bobam kuvancılıkta işlerim. Band nivcä bobam kendi oollarıma hepsini göstererim, üürederim»,- söledi İvan Vornikov.
Her yılın yazın Vornikoivlar topleerla bal, angısı kendi kalitesinnän hem daadınnan aniler. Bu bal sevindirer diil sade tatli sevennerini ama fayda saalıya da getirer.
«Bizim insan üürendi bal imää hem annamaa ani o taa ii şekerdän hem şekerli mallardan» ,- kuvancı Vladimir nışannȇȇr.
Bitki yıllar gözlediler ölä bir iş, ani erindeki alıcıların arasında sorumnuk uuru düşer.
«Sorumnuk bitmedi, o var, ama mal olsun lääzım. Neçin ki biz şindi yaşeerız ölä zor bir durumda, ekonomika hem marketing dünnesindä. Paaları panayır belli eder ama diil içindeki. , bizim mallarımız giderlär eksporda»,- ekledi Vladimir.
Evlad boylar hodullanerlar onunnan, ani onnarın aylesi kuvancılıklan zanaatlaner. Kızın laflarına görä kuvannar o ilk böceklär angılarını insan başladı evdä kullanmaa, bunun için o ileriyadooru da aylä işini ilerledecek.
«Bän sanerım ani ölä da olacek neçin ki bu işlän benim anam bobam zanaatlandılar. Bän da bu işi ilerledecäm»,- kuvancının kızı Polina söledi.
Aylä çok vakıt hotul erindä geçirer, baker kuvannarı hem paylaşer kendi bilgilerinnän nicä dooru kuvannarı tutmaa hepsinnän kim isteer üürenmää.
«Herbir üüreniciyi yanımda 3yıl tuterım. Ama sora o şansora lääzım bilsin ne hem nicä yapmaa, neçin ki o geldiysäydi bana bän beş saat ona hepsini annattım da kuvancı- diil ölä. Lääzım kuvannar onu dalasınnar, bakmaa var mı alergiya osaydı yok. O lääzm kuvananra sınaşsın» ,- kuvancı İvan Vornikov nışannadı.
Vornikov aylesinin balı o diil sade tatlılık,bu natural mal, angisdi imuniteti tutturer, hem yardım eder adam kuvetli olsun zor iş günündän sora.