Sovet Birliin daalmasından sora, Ukraina, politika hem soţial tarafından pek sarsılandı. Ekonomika daaldı, korupţiya büüdü, ii yaşamaya umut kalmadı. Ama Mariupoldan pastor hem cümnä liderı Genadiy Mohnenko yaptı inanılmaz iilik. O zorlan topladı sokaklarda gezän hem narkotik kullanan uşakları da kurdu maasuz onnar için reabilitaţiya merkezini. Merkezä «Piligrim Respublikası» adı koydular. Genadiyin yardımınnan bitki yılların içindä çok işlär diişildi. Mariupolda başka yok okadaradan çok evsiz uşak. Çoyu sayȇrlar, ani bu iş oldu onun çalışkannıınan hem mikayetliinnän «Piligrim» kurumunda. Şindi, açan Ukrainanın taa çoyu insannarı çekilerlär Evropa Birliinä, peydalanardı taa çok umut, ani ileriya dooru bu kasaba doorulacȇk hem ilerleyecek. Ama cengin çeketmesinnän bu kurumda oldu taa büük zorluklar.
GRT kanalı THE WHY kompaniyanın dokumental filmlerini gagauz dilinä çevirdi hem dübläj yaptı. Onnarda insan hakların koruması, ȇkologiya soruşları hem başka problemalar açıklanȇrlar.