Mardın 10-da Gagauziyanın Bakannık komiteti teklig etti kayıllattırmaa seçim organa 3 kandidatın girmesini: Viktor Bulgaruyu, Pötr Zlatovu hem Födor Dobrovu. Hepsi tekli edilmiş kandidaturalar bulundular oturuşta. Nicä nışannandı, onnar ii bilinerlär cümnedä da onnarda var lääzımnı becermeklär,çalışmaa deyni ayırmak organında,angısı cuvap eder avtonomiyada seçimnerin kurması hem geçirmesi için cuvap eder.
Eni toplumun kurması ilerleer.Bakannık komiteti temsil etti 3 kandidat seçimnär için cuvaplı kuruma. Bunun için nışannadı Bakannık komitetin başın ilk yardımcısı İlya Uzun: «Biz işleyecez sizinnän kanona görä – Moldovanın kanonuna görä, Gagauziya seçimnerin kodeksinä görä, alarak hesaba Temel kanonu hem Hak statusu için kanonu.Biz şansora 30 yıl seçimneri geçireriz – nicä GHT,ölä da başla görevlerä ,da birdä problema yoktu, neçinki çalışardık kanona görä».
Kandidatların adlarının hem soyadlarını temsil etti Başkanın işlerindä bakannıın başı İvan Kolioglo: «Hepsiniz bilersiniz,ani 2026 yılın fevralin 9-da, ilerki MSK azaların çalışmak vakıtları bitti. Bizä geldi danışmak GHT kurmaa deyni eni MSK toplumunu.Butakım,Bakannık komiteti verer izin dorutmaa GHT te bu kandidaturaları: Bulgaru Viktor,Zlatov Pötr, Dobrov Födor».
Üç kandidat ayırmak organa taa illeri çıkarıldılar GHT-dan.Belli edilmiş proţeduraya görä, taa üç kandidat lääzımdı davaa instanţiyalardan çıkarılsınnar,ama şindi onnar taa temsil edilmedilär. Hepsi kandidatlar belli edildiynän, seçimneri hazırlayan organ kurulu olacek.
Moldovanın hem Gagauziyanın en mekalı haberleri GRTnın Telegram kanalında!