Ev alması için subsidiya kabledicilerin listesinin kaaviletmesi, paraların verilmesi sportçulara komradın muniţipal sport okulundan, yaşayananrın tutturmak fondundan finansların verilmesi. Bu hem başka sorşlar bakıldılar avtonomiyanın bakannık komitetin oturuşunda.
Bakannık komitetin azaları kaavilettilär vatandaşların listesini angılar kabledeceklär devlet subsidiyaları ev alması için. Lääzımnı karar kabledildi komisiya oturuşundan soras, nışannadı finans bakannıın başın işini yapan Tatyana Doyçeva. O uruguladı ani taa beş aylä yaşayabilecek hem işleyabilecek avtonomiya teritoriyasında.
«Teklif ediler kaaviletmää subsidiya kabledicilerin listesini ev alması için. Bütün sayısı kuracek 810 bin 400 ley üç yılına. Nicä da taa ileri teklif ediler belli etmää ani subsidiya ödemesi üç yılın içindä bir türlü paylarlan verilecek- 2026-ci yıldan 2028-ci yılınadan. Teklif ederim bu listeyi kabletmää»,- nışannadı finans bakannıın başın işini yapan Tatyana Doyçeva.
Yaşayannarın tutturmak fondundan finansların verilmesi için haberi temsil etti Gagauziya saalıı hem soţial korumasında bakannıın başı Ȇdgar Dimov. O nışanandı, ani 2026-ci yılda komisiya verdi bu fondtan 580 bin ley insan lääızmnıklarına. Şindi kaldı yakın 120 bin da bu örtmeyecek hepsi danışıcıların bildirimnerini yardım için.
«Soţial izmetlerin ilerlemsi statyasında 2026-ci yılına bakılȇr bir million ley, angıların kullanmasına var nasıl şindi optimizaţiya yapmaa da plannanmış olaylara zarar olmasın. Pek çok insan danışer bizä onkologiya hastalıınnan, neçin ki bu dert gençlener. Bunun için teklif ederim iniţiativayi tutturmaa neçin ki ilerdä taa yarım yıl var, ama paralar biterlär»,- Ȇdgar Dimov nışannadı.
Yakın 47 bin ley verildi Komrat muniţipal sport okulun sportçularına hem 100 bin ley aleksandr gaydarlıya üüsek çıkışları için prestij yarışmalarda. Bakıldılar başka soţial- ekonomika soruşlar da angılarında lääızmnı kararlar kabledildilär.
Moldovanın hem Gagauziyanın en mekalı haberleri GRTnın Telegram kanalında!