Bakannık komitetin sıradakı oturuşunda bakıldılar soruşlar üüretim sistemanın finanslşaması için. Taa derindän N.Andrieş.
Bakannık komitetin baş soruşların birisiydi – orta bücettän üüretim sistemanın merkezlerinä para verilmesi. Laf gider kolaylıklar için,angıları doorudularceklar avtonomiyanın üüretim merkezlerinä, kurmaa deyni onnarın işini hem çözmää şindiki soruşları, urguladı Gagauziyanın üüretim bakannın başı Nataliya Kristeva.
“ Kär büün geçirildi komissiya,neçinki alındı esaba o iş,ani GHT olmayacek,da tez belli ettik finans harclarını, uşakların gezdirmesi için, 100 bin didaktika kadralara kompensaţiya gezmeklär için, kalma paralar erleştirildilär, hem en lääzımnı işlerä finanslar belli edildilär,angıları baalı yısıtmak sezonunnan, bu neetlerä para vrerildi, hem kurmaa proekt-smeta dokumentlerini, neçinki okullara bu lääzım, düzmää deyni gaz sistemalarını , kimi mutlak remont işleri”.
Lafetmeklerin vakıdında N.Kristeva dikatlııı doruttu taa bir önemli işä. Onun laflarına görä, teklif ediler GHT danışmaa, ki Bakannık komitetä verilsin hak kendibaşına versin paraları orta bücettän.
“Olduynan bölä durum, GHT işlamärsä,yılın bitkisinä dooru var nicä problemnär peydalansınnar yakacak mallarlan, hem başka transport harçlarlan. Onuştan da yalvarȇrız bizä bölä hak verilsin, lääzımnaa görä vermää bu finansları ne baalı üüretim sferasında harçlarlan. Biz belli ettik o poziţiyaları,angıları beklämerlär,onnar mutlak”.
Nicä urguladı N.Kristeva ,bölä kolaylılk yardım eder taa hızlı çıkan soruşları çözmää hem doorutmaa finansları orayı, nereyi lääzım. Bitki karar bu uurda lääzım GHT kabletsin. Taa bir soruş baalı oldu krizis durumnarın regional komissiyasının işin kuruluşu için. Komissiya önemli bir mehanizma, hatalı olaylarda işlerin koordinaţiyası için, urguladı Bakannık komitetin başın işlerindä bölümün öndercisi İvan Kolioglo.
“ Moldovanın kanonunda var diişilmeklär hatalı olaylarda komissiyanın çalışmasında. Şindi onnar adlanaceklar komissiya hatalı olayların önderlemesindä/kullanmasında. Bundan karaä taa var diişilmeklär erli hatalı olayların komissiyaların kurmasında. Bununnan lääzım bizim notmativ dokumetleri yapmaa,ki uygun olsunnar Milli kanonnarlan”.
Oturuşun soruşların listesindä taa vardı soruş baalı «НИВА ГАГАУЗИИ» kurumun milli kurucusu için. Lafetmeklerin vakıdında taa bakıldılar soruşlar,baalı onun çalışmasınnan hem önderlemesinnän, kurucu oldu Ekonomika illerlemesindä hem turizmada genel bakannık.