Gagauziya Bilim-Aaraştırmak mrkezindä İvana Bankova adına salonunda rusça-gagauzça sözlüünä prezentaţiya geçti. Avtor filologiya bilgileri doktoru İvana Bankova. Olayda araştırıcılar,kultura uzmannarı,studentlär pay aldılar.
İ.D. Bankova — filologiya bilgileri doktoru. Büün onun adını taşıyȇr M.Maruneviç adına BAM linvistika salonu, nışannadı İrina Konstantinova: «Bu gün prezentaţiya yapȇrız salonda,angısına İ. Bankova adını koyduk.O Filologiya urunda gagauz dili ilgili çok bilgi koydu».
İ. D. Bankova rusça- gagauzça tematika sözlüünnän 10 yılın süresindä çalıştı. Bu önemni iş büün herbir uurda kullanılsın yakışȇr, nışannadı İrina Konstantinova: «Burada dil sadece çevirmelii yapılan laflar,ama burada var örneklär,angılarını üüredicilär üüretim programalarında kullanaceklar .Hep ölä var eni termennär. Bu önemli terminologiya tarafından».
İvanna Dmitrievnanın üürenicisi, Dezginja küüyü primarı V. Kapsamun söledi, ani bu kiyat lääzım olsun herbir insanın masalarında,da daymaca açılsın.Gençlär üürensinnär ana dilimizi.
«Biz isteeriz kiyadın prezentaţiyasını Dezginja küüyündä dä gecirmää.Anılmış insanın adı,angısı küüyümüzdän çıktı, diveç gagaguz halkın istoriyasında kalsın»,- Vasiliy Kapsamun söledi
İ.D. Bankova büük maksimalisttı.Herbir lafa araştırmakları derindän yapardı ,nışannȇȇr rusça- gagauzça tematika sözlüü cuvapçı redaktoru Pötr Çebotar: «O gidärdi insannara,kim gagauz dilini islää bilärdi .Soruşturardı emişlerin,meyvaların çiçeklerin adlarını».
İvanna Dmitrievna sözlüün ilk sayfalarında yazdı «Benim uşaklarıma,uşakların uşaklarına kalacek». Kiyadın prezentaţiyası gagauz kulturasının hem gagauz dilinin ilerlemesinin uurunda büük bir adım oldu . Gagauziya Bilim araştırmak mrkezindä İvanna Bankova adına salonu önemli buluşlara,kiyatların prezentaţiyalarına bilim er olacek.
Moldovanın hem Gagauziyanın en mekalı haberleri GRTnın Telegram kanalında!