Çadır kasabasının Kazan ikonasının adına klisesindä pazar günü çok insan toplandı. Bu gün burada slujbada bulundu Gagauziya başkanı Evgeniya Guţul. Hepsi barabar dua ettilär Allaha, ki olsun usluluk bütün dünnedä.
Klisä doluydu insannan, onnar dua ederlär saalık için hen usululuk için. Burada gençlär da, ihtiarlar da. Pek çok uşaklar vardı, onnar bu gün komkaları aldılar. Hepsinnän barabar Allaha dua etti Gagauziya başkanı Evgeniya Guţul. Slujbadan sora başkan bulundu klisä okulunda. Derslär geçerlär her pazar, nışannadı klisä okulu üüredicisi Svetlana Kojokar: «Bizim okulda 90 uşaktan zeedä var. Üüredicilär topladılar 5 klas.вырезать Herbir klasın var kendi uşakları. Hem çalêrlar, hem resimnerlär, hem işiderlär Allahın lafını.Onnar gelerlär havezlän, üüredicilär işleerlär havezlän, kimsey bu iş için para kabletmeer.Biz geleriz uşakların hatırınnan».
Uşaklar büük havezlän gelerlär klisä okuluna.
«Bän büük havezlän gelerim burayı, neçin ki biz birlikta üüreneriz çok meraklı işleri hem Allaha dua ederiz».
«Klisä okuluna bän küçüktän gelerim, brni getirdi anam -bobam. Burası ölä er , neredä var nicä ilerletmää kendi becermeklerini diil sade din uruunda, ama her taraftan. Okul verer kolaylık zanaatlanmaa onunnan, neyi en çok sevsersin — çekedip türkü calmaktan taa örmeyadan».
Şindi klisä okulu kiralêêr bu odaları, neçinki yapı, angısı klisenin yanında bulunêr(eski 5-ci okul), orada bir parça vakıt derslär geçärmiştilär. Ama bu yapı pek eski hen avariya durumunda bulunêr. Var hazırlanmış proekt eni klisä okulun düzülmesindä, ama lääzım ona çok para, nışannadı klisä izmetçisi Sergey Lazarev: «Biz hazırladık proekt eni okul için — iki katlı yapı. İsteeriz eskiyi yıkmaa, da onun erindä kaldırmaa iki katlı yapıyı, angısında olacek hepsi odalar, ne lääzım bizä: klaslar, kufnä, imek için odalar. Ama buna, elbetki, lääzım pek çok para, bizim bölä kuvedimiz taa yok. Burada sa şindi bulunêrız, şükür Allaha, bir zamannık er bizim klisenin okulu için».
Klisä okulunda terbiedilerlär uşaklar din hem ruh uurunda, dedi başkan Evgeniya Guţul. O haberledi, ani Bakannık komitetin kararına görä verilecek para, ki kapamaa klisä okulun borcunu kiralamak için.
«Pek sevindirer, ani bizim uşaklarda, analarda bobalarda var inanmak Allaha, neçinki hepsi başlêêr ayledän hem inandan. Oldu diil pek islää durum klisä okulunnan kira için odemäk- şindi biz çalışêrız yardım etmää, ki bu finanslar olmasınnan klisä için ileri dooru lääzımnı ödemäk»,- çizgiledi başkan.
Klisä okulunda üürener 90 uşak, onnar Allaha inanêrlar hem üürenerlär onun lafını.
Avtor: A. Karapirä, operator hem montaj: L. Arfonos
Moldovanın hem Gagauziyanın en mekalı haberleri GRTnın Telegram kanalında!