Avdarmada geçti akţiya Gagauziya başkanını Evgeniyayı Guţul tutturmaa deyni. Toplantıya katıldı 70 zeedä kişi. Herbiri kendi fikirlerinnän hem umutlarınnan paylaştı başkana kiyat aşırı.
Avdarma küüyü yaşayannarı paylarşılar kendi kahırlarınnan, duygularınann, umutlarınnan gelecek için.Bu akţiyada pay aldılar Bakannık komietin kimi azalları da. Üüretim bakanı Nataliya Kristeva urguladı nekadar önemni Gagauziya başkanın statusu.
«Büün biz istämeriz bişey şaşmaklı.Biz isteriz dooru aaraştırmak olsun.İsteriz bizi işitsinnä. İsteriz onu da işitsinnär. Ama yazık. Biz izsteriz kabatsızlık prezumpţiyası ,da biz isteriz sayılsın başkanın statusu. O insannar ayırmış. Da bu iş diil baalı insannan ,soyadlan, ama onunnan, ki status var»,- nışannadı üüretim bakanı Nataliya Kristeva.
Avdarmanın yaşayannarı umutlanȇrlar, ani Evgeniya Guţul tezdä çıkacek ev arestindän. Onnar bekleerlär, nezaman başkan kendi görevindä enidän çalışmaa başlayacek hem giriştirecek en önemni proekleri regionun ilelrlemesi için.
«Önemli halklan barabar olsun bizim başkanımız , ondan deyni, ani o yardım eder insana, küçüündän büüyünä kadar.Herzaman insannandı. İnsan da ister onunnan olmaa herzaman».
«Başkannan barabarız, hem bitkiyadan barabarız.Onu yok nasıl tutturmamaa. Nereyi da baalandı,hepsini çıkardı başa».
«İsteerim kolversinnär Evgeniyayı Guţul,da o da çeketsin işlemää, nicä işlärdi. Biz beenärdik nicä o işler. Bölä oldu,ani biz kahırlanȇrız, bulamȇrız maanayı, neçin kolvemerlär».
«O pek islää insan, kaavi,dooru. Nekadar çalıştı, çok yaptı. Şükürlük ona, ko taa tez çıksın işinä».
«İsteriz, ki bizim başkanımız kolversinnär. Zerä o çok Gagauziya için yapȇr. Savaşer. Annamȇrım, neçin onu tutȇrlar.Bu fasıl. Başkan için sade en ii fikirlerim var.Sanȇrım,ki bizim Gagauziyayı yapacek taa ii. Gösterdi çok işleri, yaptı da, prost fikirlär onun için yoktu».
«İsterim dilemää ona saaburluk hem saalık, aylesinä da dayanmak hem saalık, ko geçsin hepsi zorlukları. Biz onunnan hem onun için. Bu ii başkan, insannan ayırılı. Bän, halk ta, isteriz ona dilemää en ii işleri,ama en önemli- saaburluk hem saalık».
Avdarmanın yaşayannarı bütün ürektän tutturdular başkanı, yazıp kedni sıcak laflarını hem umutlarını. O kiyatlar verileceklär başkana advokatyardımınnan.Guţul Evgeniyayı kabatlı bulȇrlar kanona karşı partiya finanslamasında. Davaa kararına görä o bulunȇr ev aresti altında.Başkan kendi kabaatını kabletmeer.
Moldovanın hem Gagauziyanın en mekalı haberleri GRTnın Telegram kanalında!