İyülün 1-dä Kişinövda geçti sıradakı davaa oturuşu Gagauziyanın başkanın Evgeniya Guţulun hem Svetlananın Popan kanona karşı finanslanmak için işin üstünä.
Prokurorlar sordular ceza olsun başkana Evgeniyaya Guţul 9 yıl arest politika partiyasının kanona karşı finanslanması için.Hep bu iştä prokurorlardan kabaat koyulȇr Svetlanaya Popan da, angısı partiyanın eks sekretariydi.
«Kabaat bulmak belli olȇr aaraştırmaklardan sora, marturlar da, angıları soruşturuldular, belli ettilär çıkmış üzä işleri, angılarını kabaatı bulan taraf çıkardı»,- dedi prokuror.
Evgeniya Guţulun advokatı Serjiu Moraru urguladı,ani diil hepsi davayaa temsil edilmiş materiallar bakıldılar.
«Bu olȇr temel gibi, angısı yazdırılı Zından-Proţessual kodeksında,angısı verer taraflara hak istemää davaa işleri enidän bakılsınanr, dönmää deyni geeri o belli edilmiş işlerä, er kabat bulan taraf istärsä onnarı almaa hesaba, bakmaa onnarı, sora da seslemeklerä geçmää»,- nışannadı Moraru.
Evgeniyayı Guţul tuttular mart ayın 25-dä Kişinövun halklar arası aeroportunda. Aprelin 9-da davaa kabletti kararı geçirmää onu evdeki kapana ,sora bu karar uzadıldı. Svetlana Popan bulunardı davaa kontrol altında.
Moldovanın hem Gagauziyanın en mekalı haberleri GRTnın Telegram kanalında!