Hederlez ayın 7 — dä Gagauziyda çekettilär ȇkzamenär başlankı şkolanın başarannarı için. İlk ȇkzamen rumın dilindä. Üürenicilär vererlär onun laftan formada.
Komrat kasabasının Dmitriy Kara Çoban adına liţeyın ürenicilerinä deyni — bu ilk ȇkzamen. Klasın öndercisi Svetlana Buyuklı nışannȇȇr, ani dalgalanȇr barabar uşaklarlan, ama inanȇr onnarın kuvetlerinä hem hazırlanmaklarına. Ama üürenicilerin ilk gülüşleri ȇkzamenin çıkmasından sora söleerlär, ani diil okadar zor, nicä düşünülärdi, çizgileer üüredici.
«Elbetki, uşaklar kahırlanȇrlar, ana — bobalar da barabar onnarlan. Pek cevaplı ilk ȇkzamen, umutlanȇrız, ani hepsi islä geçecek. Kimisi şindän sora verdi, gülümseräk çıkȇrlar, bu söleer onun için, ani hepsi islä. Hazırlanȇrız derslerdä, üüreneriz türlü temaları, işleeriz tekstlärlän, laflarlan. Onnar hazır, elbetki. 4 «B» klass pek islä hazırlandı millet ȇkzameninä»,- Svetlana Buyuklı nışannȇȇr.
Nasıl geçer ȇkzamen kontrol ederlär gözledicilär dä. Dmitriy Kara Çoban adına liţeyin rumın dili hem literaturası üüredicisi Ekaterina Kılçik nışannadı, ani uşaklar, elbetki, dalgalanȇrlar, ama hepsi islä hazırlanmış, da hazır göstersinnär islä çıkışları.
«Elbetki, uşaklar kahırlanȇrlar. Bu ilk onnarın ȇkzameni, ilk denemäk onnarda. Kimisindä onnarda duygular pek üüsektilär, açan bilet ayırardılar. Ama açan onnar erinä oturdular, uşaklar uslanardılar, alıp kuvet cevap ederlär. Durum uslu. Erlim ilktän uşak kahırlanarsaydı, sora sa açan o oturȇr erinä, da annȇr, ani hepsini bunnarı biz geçtik, o raat — raat cevap ederlär»,- Ekaterina Kılçik nışannadı.
Rumın dili hem literaturası ȇkzamenin laftan formasında pay aldılar 1486 uşak Gagauziyanın rus okullarından. Moldovan dilin liţeylerin üürenicileri vereceklär bu ȇkzameni hederlez ayın 13 — dä. Başlankı şkolanın başarannarın bütünndän sayısı bu yıl kurȇr 1680 üürenici. Ȇkzamen sesiyası uzanacek hederlez ayın 20 — nä kadar.
Moldovanın hem Gagauziyanın en mekalı haberleri GRTnın Telegram kanalında!