«Кreativ koleydoskopu» klubu hem «Palitra» resim çevresi Kazayak küüyündä 5 yıl çalşȇr. Derslär Kultura evindä geçirilerlär. Sevgili zanaatınnan terbiedennär yaz dinnenmäk günnerindä dä zanaatlanȇrlar.
«Кreativ koleydoskopu» klubu Kazayak küüyün genç kızlarına deyni er, neredä dekorativ incäzanaatınnan zanaatlanȇrlar. Kreativ sınışlarında türlü gözellikleri üürenicilär 1-7 ci klaslardan yapȇrlar. Suvenirleri, içer, saç, ruba donaklarını, çiçek testelerini üüredici Kıvırcık Mariya Georgievna üüreder yapmaa.
«Biz kreativ hertaraftan lääzım olalım. Herbir yortuya deyni biz ne, ne hazırlȇȇrız. Savaşȇrız uşakları üüretmää hepsini, ne bileriz»,-«Кreativ koleydoskopu» klubun başı Kıvırcık Mariya nışannȇȇr.
Genç kızlar el zanaatları derslerindä gips, suuk farfor, flameran meteriallarını kullanȇrlar. Üüreniciykalar büük havezlän onnarı kullanarak yaradȇrlar.
«Bän bilerim yapmaa gül, vertep, broş, zakolka. Burayı bän gelerim taa nesä üürenmää yapmaa».
«Bän yaptım eşil yapracıkları, Vika da yapȇr çiçekleri. O ütüdän flameranı geçirer da şindi biz toplayacez papatiyayı».
«Palitra» resim çevresi-gençlerä deyni käämil kolaylık kendi yaradıcılık becermeklerini açıklamaa hem eni tehnikaları üürenmää.
«Bän gezerim bu resim krujoona. Açan insan resim eder, o çok fikir aklısına alȇr. Biz taa çok resimneeriz kalemnän».
«Bän burayı 3 yıl gezerim. Severim kalemnän hem boyalarlan resimnemää. Boyȇrım bizim naturayı, Gagauziyayı. Vardır resimnediim bizim kliseyi».
«Palitra» resim çevresini üüredici Kihayal Nadejda Dmitrievna beş yıl öndercilik eder.
«Sanȇrım, ani uşaklar, angıları gelerlär resim krujoona, olacek faydalı bu derslär. Onnar dünneyi başka gözlärlän yardım edeceklär görmää. Savaşȇrız kullanmaa başka materiaaları, çıkȇrız parka»,- «Palitra» resim çevresinin üüredicisi Kihayal Nadejda söleer.
«Кreativ koleydoskopu» klubu hem «Palitra» resim çevresi Kazayak küüyündä 2019-cu yılda muzeyin çerçevesindä başladı çalışmaa, sora onnar Kultura evinä yapısına geçtilär.