İyül ayın 19 -nda bir yıl olacek,nicä Gagauziya Başkanı Evgeniya Guţul kendi görevindä çalışmaa başladı. Ne yapıldı bu vakıdın süresindä hem ne taa koyulu plana yapmaa, «GRT» kanalın efirindä «De fakto» programasında Gagauziyanın Başkanı E.Guţul açıkladı.
«GRT» kanalın «De fakto» programasında Gagauziya Başkanı E.Guţul haberledi, anı iyül ayın 19-nda o ofiţial uurunda avtonomiyanın başı oldu. Onun laflarına gţrä bu yıl diildi kolay. O çizgiledi, ani bu vakıdın süresindä ofiţial vizitlerinnän gitti Rusiya hem Türkiye devletlerinä.
«Benim ilk vizitim oldu Türkiye Devletinä. Bän Türkiyenin dış işlerindä ministrusunnan Hakan Fidannan buluştum. Türkiye taa bir keret açıkladı, ani herzaman gagauz halkın, gagauz avtonomiyasının yanında olacek, hem herzaman bizi tutturacek»,- söledi başkan.
Halklararası partnörlardan kaarä yardım avtonomiyaya meţenatlar verdilär. Bu paralara bir sıra infrastruktura proektleri yapıldı, nışannadı Gagauziya Başkanı Evgeniya Guţul.
«Bitki ayların içindä biz bütün Gagauziyada 50 kilometra yol yaptık, trotuarları, uşak meydannarını. İnfrastruktura proektleri başladılar o zamandan, nicä bän başkan görevindä başladım çalışmaa , şindi dä ilerleerlär»,- nışannad. Evgeniya Guţul.
En önemli proektlerin birisi, angısı avtonomiyada yapılȇr bu uşaklar için dinenmäk parkı Kongaz küüyündä.
«Gagauziyalȇnd düzülmesindä pek çok köstek var. Plana koyardık onu iyün ayın 1- ndä açmaa, ama bu iş olmadı. İlerlederiz orada işimizi. Koyduk neetimizä bu proekti yapmaa, da başaracez onu»,- söledi başkan.
Plannara görä, eni komplekstä uşaklarda olacek kolaylık dinnenmää, o olacek avtonomiyanın vizit kartası hem yardım edecek Gagauziya ekonomika tarafından ilerlesin, eni iş erleri açılsın.