Bitki yıllar gözledilеr, ani böbrek hastalıkları zeedelenerlär. Moldovanın her onuncu yaşayanı bu derttän zorluk çeker. Böbrek hastalıından her yıl dünnedä millionnarlan insan geçiner. Buna sebep olȇr o, ani yaşayannarın taa çoyu profilaktika olayları için bilmeerlär.
Böbreklerin hronik durumu var kolay debreşsin da onnarın işlemäk kolaylıklarını zorlatsın. . Bu var nicä olsu nbaalı kalb-damar hastalıınnan yada insultlan. Bu faktorlar baalı diil sade böbreklerin hastalıın peydalanmasınna, ama onun ilerlemsinnän dä haberledi nefrolog İnna Zotova: «Sebep çok. Söleyarkänä böbreklerin hastalıı için lääzım sölemää streptokok hem stafilokok için. Var kimär keret böbreklerin toksin, ilaç tarafından hastalanması. Burayi hep ölä girer şeker hastalıı, kara ceerin patologiyası, sarlık derdi, kara cerin şişmesi hem onkologiya hastalıkları».
Böbreklerin hroniika hastalanması ilk vakıtta diil pek belli hem nışananar da yok. Bunun için pek önemni vakıtçasına medik baktırmasını geçirmää. Onanar vererlär kolaylıka dooru diagnozu koymaa hem vakıtçasına ilaçlanmaa. Böleliklän var kolay hastalıın önünü almaa.
«Biz nefritları geç bulabileriz, kimär kert böbrään çalışmamasını da. Lääzım siidiin analizlerinı vermää. O gösterer taa çok, böbrään durumunu, hem biohimiya çıkışlarını. UZİ geçireriz hem da böbreklerin biopsiyasını»,- dedi uzman.
Böbrek hastalıında önemni yapmaa hepsi nasaatları profilaktika için, ki zor duruma düşmemää hem da korumaa böbreklerin çalışmasını, ki o durgunmasın, urguladı nefrolog doktoru İnna Zotova: «Herbir suuklamak böbreklerdä iz braker. Da bu getirer böbrekelrin kötü durumuna. Onanr iicesinä çalışamȇȇrlar da geler sıra yapmaa gemodializı neydan sora da böbrää diiştirmää».
Böbreklär var nasıl saa olsunnar. Lääzım birkaç kural hem naasaat yapmaa. Uzmannar sölerlär saalıklı yaşamayı götürmää,şekeri hem tansionu kontrol etmää çok çay hem su içmää. Çok ilaç kullanmamaa hem ţigara içmemää.
Moldovanın hem Gagauziyanın en mekalı haberleri GRTnın Telegram kanalında!