Moldovanın küüyülerindä gid- gidä durum ta da kötüleşer. Okullar hem uşak başçaları dayma kapanȇrlar. 2024 yılın sentäbri ayın 1-dä sade Briçanı dolayında 10 üüretim kurumu artık kapularını üürencilerä açmıyacȇklar.
Karara görä, angısını Briçanı dolayın üüretim bakannın saytında erleştirdi, bu okullar hem uşak başçalar başka üüretim kurumnarınnan birleşeceklär. Kapanan kurumnarın çalışannarı olarsıydı kolaylık geçeceklär işlemää o şkolalalara hem yaslalara, nereyi üürencileri geçireceklär.Ama olmarsaydı er orada, ozaman iş kodeksenä görä onnarı iştän çıkaracȇklar.
Harcamaklar, angıları baalı üüretim kurumnarın reorganizaţiyasınnan, enidän yapılan kurumnarın, 2024 yılın bücetindä bakılı- yazılı kararda. 2010 yıldan 2017 yıla kadar Moldova Respublikasında 218 şkola kapandı , ta 303 reorganizaţiya yapıldı.
Bu oluşların maanası demografiyä problemnarından çekiler, yıl- yıldan üürencilerin sayısı azalȇr hem üüredicilerin etişmemezlii duyulȇr.