Komrat kasabasında M Çakirın adına kollecindä «Буджакские созвучия» halk avaların yortusu geçti.Yortulu oluşta genç hem professional muzikacılar pay aldılar.
«Буджакские созвучия» halk muzika avşamında genç hem anılmış muzikacılar sţenaya çıktılar.
«Konţert programasında moldovan,gagauz hem bulgar halk avaları öttülär.Bizim studentlerimiz severlar halk muzikasını da büük havezlän katılȇrlar bu olaylara,angıların neeti -gençleri terbietmää, deyni halk avalarını taa sorumnu yapmaa. Kulturamızı ,adetlerimizi unutmasınnar- ilerletsinnär muzikacıların ustacılıını»,- İrina Novak M.Çakir adına kolecın muzika üüredicisi söledi.
Genç artistlär halk instrumentlerini kullandılar –nay,kemença,akardion,truba,doba.
«Bän beenerim diişiklii repertuarlarda- gagauz,bulgar,moldovan süitalarını.Severim halk muzikasını, onunnan halkımızın istoriyasına yaklaşȇrız».
«Biz çok hazırlandık bu günä. Gösterecez halk oyunnarını, türkülerini ,kulturasını.İsteeriz gençlär bilsinnär kulturamızı ,dilimizi».
Havalar ,angıları salonda öttülär, herkezinä büük duyguları başladılar.
«Mayıl olȇrım,ani Gagauziyada kultura korunȇr.Kultura hatırınnan bu gözellii var kolay korumaa hem evlat boylarımıza başlamaa- bu önemli»,- Marina Bankova üüredici nışannadı.
Olayın kurucuların laflarına görä- bu diil sıradan konţert programası-bu gerçektän kaavi kultura baalantıları evelki zamannardan –zamanaş vakıtlarınadan,angısı candan geçiriler.
Moldovanın hem Gagauziyanın en mekalı haberleri GRTnın Telegram kanalında!