Bu yılın çeketmesindä Gagauziya Bakannık komitetin azaları kablettilär kararı, ani 2025 — ci yılında Büük Dünnä cengindä Enseyışin 80 — ci yıldönümä adalı olacek. Avtonomiyada şindän sora geçirildi bir sıra toplantı,angıları adalı bu dataya, birisi onnardan büün geçti Avdarma küüyündä.
Avdarma küüyündä liţeyin üürenicilerinä gösterdilär dokumental filmneri, Moldova devletin vatandaşları için, angıları pay aldılar cenktä. Birisi onnardan İvan Soltıs için.
«Biz çıkardık bu filmı 5 yıl geeri Poloniyada — bu oldu Mediaȇkspediţiya Poloniyaya, onun süresindä biz bulduk bizim vatandaşın mezarını. Yerleştirdik onda anmak tablosunu, üürendik kahramanın adını, getirdik onun mezarından biraz toprak vatanına Kamen rayonun Kuzmin küüyünä»,- dedi Aleksey Petroviç.
Toplantıda pay aldılar Dmitriy Çelengir liţeyin büük kasların üürenicileri.
«Biz lääzım bilelim kendi istoriyamızı, başka devletlerin istoriyasını. Ki bu genä olmasın. Ekbetki, bu pek önemli, ani var ölä insannar, angıları çıkarȇrlar bölä videoları.Bu becermek, angısını biz koruyȇrız bizim uşaklarımıza. Bunnar bilgilär, angılaırnı braktılar bizä kendilerindän sora».
«Bölä toplantılar lääzım geçirilsinnär diil saade Gagauziyada, Moldovada, ama bütün dünnedä. Bu anmak, angısını biz mutlaka lääzım tutalım aklımızda, koruyalım hem da geçirelim gelän evlat boylarımıza, da hiç bir zaman da unutmayalım».
«Ki hepsi insan bilsin, nesoy bela cenk yapȇr, nesoy kayıplara getirer. Biz lääzım bilelim bizim dedelerimizin istoriyasını».
«Herbir uşak lääzım bilsin, nesoy kötü işlär oldular o vakıtlar, hiç bir zamanda bu genä olmasın zamandaşta hem da korumaa onu, ne bizim dedelerimiz koruyabildilär».
Proekt giriştiriler Gagauziya Başkanın Evgeniya Guţulun iniţiativasına görä, da doorudulu gençlerin patriotik terbietmesinä, hem istoryanın sayfaların saymasına.
Moldovanın hem Gagauziyanın en mekalı haberleri GRTnın Telegram kanalında!