Çadır -Taraklı yolda eski köprüyü enidän düzeceklär. Aprel ayın 21-ndän transportlar eni yapılan aylanmak yolundan geçerlär.
Nicä haberleneer maşinalar için yolların devlet kurumunda, bu vakıtta yapıldı 205 metra maasuz yol, neredä gezilecek o vakıdadan, açan köprünün düzülmesi bitecek. Şoferları teklif ederlär dikkat olsunnar, alsınnar esaba bir zamankı nışannarı hem diişilmekleri.
Bu köprüyü 1970-ci yıllarda düzmüştülär, 50 yıldan zeedä artık kullanılmış. Bu vakıtta o prost durumda bulunêr. Uzmannarı belli ettilär, ani burada bozuk yol, boyları daalêr hem bütündän diil kaavi köprü.
Düzmäj proektindä şindi bakılı hepsi diişilmeklär — enidän yapaceklar dayakları, düzeceklär üstünü, dolayını, koyaceklar yaamir suları için maasuz tertiplär hem koruntuluk için avadannıklar.
Hepsi işlerin yapılmasına bakılı 15 million leydän zeedä. Başarmaa düzmek işlerini planlanêr 2027-ci yılın aprel ayınadan.
Enilenmeklerdän sora köprü olacek zamandaş istemeklerä görä, korkunçsuz hem verecek kolaylık bu uurda yol gezmesini taa kaliteli yapmaa.
Moldovanın hem Gagauziyanın en mekalı haberleri GRTnın Telegram kanalında!