Pazar günü Kongaz küüyündä yardımcı konţert geçti. Onun neeti – yardım parasını toplamaa 18 yaşında Telpiz Mariyaya, angısı rak hastalıınnan güreşer. Bu oluş artistleri hem küülüleri topladı kim hazır zor zamanda tutturmaa insanı.
Yardımcı konţert Kongazın Kultura evindä geçti. Gagauziya artistleri türküleri çaldılar hem oyunnarı gösterdilär. Konţerdin kurucuları belli ettilär, ani oluşta toplandıı paralar kızın ilaçlanmasına başka devletin klinikasında geçecek.
«Konţerdi kararladık geçirmää, ki bizim genç yaşayanımızı tutturmaa»,- dedi primar.
«Eer insanın acısı duyasın, ozaman diriysän. er yabancı insanın acısını duyarsan, ozaman insansın»,- nışannadı Kultura evin başı.
Oluşa katıldı Telpiz aylesinin senselesi dä.
«Operaţiya Türkiyenin onkologiya klinikasında yapılacȇk. Paalı çıkȇr, çünkü birkaç bölüktä geçer»,- çizgiledi kızın eniştesi Stepan Telpiz.
«Şükürüm herbir insana, kim kızkardaşımı geldi tutturmaa. Alışsın dileerim».
Gagauz artistleri dayma yardımcı konţertlerdä pay alȇrlar. Büük havezlän onnara katılȇrlar. Yardım insana- iilin en üüsek basaması, sayȇr artistlär.
«İnsana yaşamak zorluklarını yalnız zor ensemää. Birliktä olsak, bir bişey yapsak, ne yardım getirecek, bütün üreklän tutturacam»,- dedi İvanov.
«Tutturmaa lääzım. Herkezinä saalık dileerim»,- ekledi Mihail Paçi.
«Buradayım en ilk, nicä insan. Butakım kahırlarda»,- sayȇr artist.
Oluş oldu kolaylık zorunu çekän bir ayleyä hem akıla getirmäk, ani insan sade birleşiptä zorlukların karşısına çıkabilecek.
«Butakım oluşlar birleştirerlär».
«Konţerdä geldik genç kızı tutturmaa. Biz onu bilmeeriz, senselä da diil. Ama bir tarafta yok nicä kalalım».
Oluşun kurucuları umutlanȇrlar, ani yardımcı konţertleri geçirmäk ii bir tradiţiya.
Avtor: S.Dimitroglo, operator: A. Glekov, montaj: İ. Rezuneţ