Ministirliin bitki haberinä görä devletin Poyraz tarafında 3,5-4,2 ton ekin ektrdan toplanıldı, Üülen tarafında ekinin berekedi 2,2-3,0 ton bir ektarda büüdü.
Saymaklara görä Moldovada 320 bin elktar güz ekini ekildi, Moldpres haberleer. Bütündän devlettä 1,4-1,5 ton bereket plana koyuldu toplamaa.
«Bu sayı verecek kolaylık yapmaa un okadar,nekadar lääzım olacȇk bütün yıla devletin yaşaynnarına. 350 ton ekindän un yapılacȇk,70 bin- toma brakılacȇk, 180-185 bin ton hayvannara mala gidecek. 2023-cü yılın berekedindän Moldova Devleti rekord sayıda güzlük ekinini sattı, yakın bir million tona », — Çifçi ministirliinda haberledilär.
Nicä söleniler haberdä: Edenţı rayonunda – 8 bin 020 ektar toplanıldı; Orgeevda- 11 bin 700; Kaulda- 12 bin 500 ektar; Kriulänıda – 6 bin 800 ektar; Floreştı dolayında 10 bin 782 ektar.Te bölä durum bu yıl Moldovada.
«Esaba alarak,ani berekedin toplaması taa etişmedi sonuna, yukarkı saymaklar diişilsinnär var nasıl.Kimär sıra eni informaţıya dolaylardan berekedin toplaması için geler. Kimi rayonnarda alatlamȇȇrlar bizä durumu açıklamaa.Beki, vakıtları yok, beki dä uzmannarı etişmeer», — nışannadılar ministirliktä.
Bu yıl 60 bin ektar arpa ektilär, bu sayıda 11 bin ektar yilkyaz arpası da. Aşaa –yukarı 215 bin ton bereket olacȇk. 50% -di mal hayvannara, 30 -150 bin ton satılaa gidecek, belli olacȇk berekedi toplamaktan sora.