Komrat kasabasında lääzım cümnä kenefleri olsun. Bu problema dalgalandırȇr yaşayannarı, angıları sayȇrlar, ani zamandaş kasabada bölä obyektlär sayılȇrlar pek lääzımnı yaşayannarın hem da misaafirlerin komfortluu için. Biz üürendik Komrat kasabasının yaşayannarın bakışlarını, nasıl çözmää bu soruşu. Kasabanın primarı Sergey Anastasov açıkladı, ne var nicä yapmaa bunun için.
Komrat kasabasının primarı Sergey Anastasov çizgiledi, ani kasabada var bir cümnä kenefi, angısı bulunȇr yannaşık kultura evinnän.Onun laflarına görä, şindiki zamana yok kolaylık yapmaa taa kenefleri, neçinki kasabada yok yakışıklı serbest erlär. Komrat kasabasının çorbacısı haberledi, ani erli kuvetlär bakȇrlar variantı, angısına görä var nicä erleştirmää biokenefleri, ki çözmää bu problemayı.
«Bizimnän taa 2018 — ci yılda yapıldı remont işleri keneftä, angısı bulunȇr Kultura evin yanında. O açık kasabada, her zaman çalışȇr. Kenef pek büük, yakışıklı. İnsannarın çoyu var nasıl kullansınnar onu. Yapmaa deyni taa kenefleri kasabada, lääzım er , ama serbest ter zeedä yok. Bizdä var biokeneflär, her zaman erleştireriz onnarı türlü olaylarda. Koymaa onnarı kasabanın içindä — diil prost fikir. Onnar pek ii bakılȇr. Bän sanȇrım, ani biz bu ideyayı kullanacez»,- Komrat kasabasının primarı Sergey Anastasov çizgiledi.
Komrat kasabasının yaşayannarı açıkladılar kendi bakışlarını cümnä keneflerin lääzımnı için. Çoyu sayȇrlar, ani bu problema diil saade avtonomiyanın baş kasabasının yaşayannarın, ama başka erlerdän gelän insannar için dä, turistlär için.
«Cümnä kenefleri? Da, onnar maasuz lääzım. Taa islä olacek, ki onnar olsunnar paraylan. Ozaman onnar olaceklar pak hem da tertiplik orada olacek».
«Diil lääzım olsunnar, neçinki insannar hepsini bozȇrlar. Ne parasız, hepsini bozȇrlar».
«Var bölä iş. Elbetki, lääzım. Lääzım olsun parasız, neçinki hepsi insannar ödeyameyeceklär. Bän pensiyada bulunȇrım, her zaman olmayacek kolaylıım ödemää».
«Ne için bizä paraylan. Diil lääzım paraylan. Onnar taa yukarda oturȇrlar, lääzım kararlasınnar».
«Elbetki, cümä kenefleri lääzım olsunnar. Paraylan, yada parasız — bu başka soruş.Ama onnar lääzım olsunnar. Bän sayȇrım, ani büünkü günnär parasız keneflär diil lääsım olsunnar. 2 ley mı, bilmeerim».
«Bän lääzım geleyim ilaç için, bän hasta insanım. Bana kenefä girmää para mı lääzım ödemää?»
Problema, angısı baalı Komrat kasabasının cümnä keneflerin yoksuzluunnan, kalȇr açık hem aktual çoyu yaşayannar için. Primariya bakȇr türlü variantları, bu sırada biokeneflerin erleştirilmelerini dä, ne vardı nasıl makarki biraz çözsün problemayı.
Moldovanın hem Gagauziyanın en mekalı haberleri GRTnın Telegram kanalında!