Cümnä temsilcileri syezdı teklif ederlär geçirmää. Durum Gagauziyanın Halk Topluşuna seçimnerin geçirilmesinnän baalı. Bunun için maasuz komitetin oturuşunda lefedildi.
Orgkomitetin sopredsedateli İvan Burgudcı belli etti, ani delegatları halktan devletin hem Gagauziyanın kanonnarına görä yapılacek. Hep ölä, vatandaşların toplantıları kararlı, onnarda syezdin temsilcilerini seçeceklär.
«Orgomiteti topladık, ki hazırlıı Syezda geçirmää, neredä GHT seçimnerini iyünün 21 –nä kararlı geçirmää açıklayacez. Yakın 700 delegatadan seçecez. Onnar avtonomiyanın herbir yaşamak erindän olaceklar»,- İvan Burgudcı belli etti.
Orkomitetin pay alanı belli etti, ani cümnä temsilcileri var olan dirumnardan çözümü aarȇȇrlar.
«Gagauziya kanonuna hem MD Konstituţiyasına görä, HT hem Başkan seçimneri lääzım geçsinnär»,- Dmitriy Gradinar orkomitetin pay alanı annattı.
Orgkomitetin pay alanı Stepan Piron önemli çalışmayı belli etti.
«Önceliklän problemayı lääzım belli etmää da insana açıklamaa. Sora delegatları seçmää. Hepsini düşer haberlemää var olan işin sırası için. Problema diil deputatların beterinä peydalandı, onu maasuz bölüklär yaptılar, angıları durumu gözlederlär»,- Stepan Piron söledi.
Ȇkspertin bakışına görä, tek kolaylık bu durumdan devletin hem erindeki kuvetlerin aralarında dialog.
Moldovanın hem Gagauziyanın en mekalı haberleri GRTnın Telegram kanalında!