Sud instanţiyaların kartasınnan Gagauz Erin kuvetleri diil kayil, onnar Konstituţiya daavasına danışıcıklar. Bölä kararı kabletti Gagauziyanın Bakannık komitetı sıradakı oturuşunda.İyün ayin 13-dä Moldova Parlamentı bitki okumakta sud instanţiyaların kartasını baktı, ama Avtonomiyanın kuvetleri bununnan diil kayil.
Bakannık komitedın oturuşun çeketmesindä Gagauziya Halk Topluşun başın yardımcısı Nikolay Ormanjı teklif etti soruşu,angısı balı Konstituţiya daavasına danışmasınnan ki o tanısın , ani parlamentlan kabledilän Sud instanţiyaların kartası uymȇr devletin baş kanonuna, da urguladı, ani bu soruşu lääzım taa bıraz işlettirmää. Bakannık komitedı kullandı kendi hakını GHT kanon iniţiyativalarınnan çıkmaa, da kararladı çıkmaa tekliflän avtonomiyanın kanon organına ki o Konstituţiya daavasına danışsın.Bu karar vericik kolaylık daputatlara Bakannık komitadın pozıţiyasını görmää, da taa geniştän bu iniţiyativayı işlettirmää, söledi Gagauz Erin başkanın işlerindä bakannın başı Vitaliy Derevenko
«Çıkarıp kimi sud instanţiyalarını Gagauz Erin ürisdikţiyasından, butakım parlament Avtonomiyanın özel hak statusunu bozdu»,- sayer Vitaliy Derevenko
Taa ileri Valkaneş kasabasının erli kutleri bu soruşun açıklaması için Magistraturanın Üüsek Sovetına danıştıydılar, neya bu cuvabı kablettilär.
«Bakarkana bu soruşu, en ilkin alındı esaba o, ani nekadar taa hızlı lääzım dava kurumnarın kartasını kabletmää, ki vatandaşların olsun kolaylıkları doorulu bulsunnar, hem dava işlerindä uzmannık bölümnerinä görä çalışsınnar. Bu kanon proektinä türlü kurumnarından 16 ekspert kendi fikirlerini açıkladı hem açık cümnä seslemeklerdän geçti. Magistraturanın Üüsek Sovetı urgulȇȇr, ani alarak esaba onu, ani Moldova devleti evrointegraţiya yolundan gider, dava kurumnarın reorganiaţiyası pek önemni bir iştir. Bu proekt ön erdä bulunȇr, ki olsun kolaylık başka proţesleri da başlattırmaa, angıları dava sistemasının reformalarınnan baalı»,- Magistraturanın Üüsek Sovetı sayer.
Bakannık komitetin azaları kablettilar danışamnın proektini angısına görä GHT d lääzım danışsın MD Konstituţiya davasına. Bu dokumenti onnar dooruttular avtonomiyanın kanon organına deputların bakması hem kabletmesi için.