Bu yıl deni̇zdä di̇nnenmäk paalılandı 10- 20 %. Angı sebeplerä görä üürendi bizm korespondentımız.
En büük problema,ani Moldova devletindä kazanç paraları taa az proţenda üüseldilär,nekadar dinnenmäk putövkaların paası,söleer turoperator Elena Gerçu: «Bakarak geçän yıllara,paalar üüseldi 20 %. Kimär sıra indirimnär var. Lääzımnı olȇr aftanın içindä dinnenmeya gitmää. Çıker taa ucuz».
Yaşayannarın çoyunda yok kolaylık aşırıya dinnenmeya gitmää.Herkez aylä büdcetinä görä bunu yapȇr.
«İsteeriz bu yıl da Türkiyaya gitmää.Bank sistemasını diiştirärsäydilär, ki kredit proţenti iisilsin, ozaman insan kredit alarak,dinnenmää gidecek.
«Çok gözäl erlär Moldovada da var. Teklif ederim üürenmää meraklı erleri.Sanȇrım herkezi plannȇȇr».
«Bän kendim giderim bir aftaya kadar hısımnara. Yada evdä –remont yapma».
«Bu gözäl vakıtta geldik ana erimizä dinnenmää».
«Gagauziyada her keret bakerız birkaç küüyä gitmää, taa ileri görmedik, şindi isteriz görmää küülerimizi».
«Biz oyanda çok yıl yaşȇȇrız, biz psihologiya hem ruh uurundan taa ii burada dinneneriz».
«Paalar üüseldi ,ama dinnenmää lääzım. Yorgunnuu daatmaa.Saalıı doorutmaa».
Kimin büceti yuvka-turagentstvonun çalışannarı naasatları vererlär.
«En ucuz dinnenmää Bulgariyada,sora Türkiye. Evropa tarafları taa paalı çıker.Servis,dinnenmäk kuralları ayırı. İnsan geler,dinnenmäk vakıdını plannȇȇr.Yılın süresındä çalıştılar, dinnenmää lääzım»,- söleer Elena.
Turagentstvoda nışannȇȇrlar,ani harçlar taa az olaceklar , insan kararlarsaydı denizä iyun ayın ilk payında yada sentäbrdä gitmää.
Moldovanın hem Gagauziyanın en mekalı haberleri GRTnın Telegram kanalında!