GHT deputatları sentäbrinin 23-dä oturuşu geçirdilär. Soţial hem ȇkonomika soruşları bakıldılar. Soruşların biri — 2025-ci yılın bücetinä diişmeklär. Bu soruşa görä söz tuttu deputat N.İvançuk. O çizgiledi, ani bu diişmeklär lääzım, çünkü küülerdä kasabalarda primariyalar proektleri giriştirmää başlasınnar lääzım.
Paralar soţial hem infrastruktura proektlerin giriştirilmesinä doorudulacȇklar. Hep ölä paralar okullara verildilär. Paralar kompensaţiyaya doorudulacȇklar o uşaklara hem üüredicilerä, angıları başka küülerä ya kasabalara üürenmää hem üüretmää giderlär. Hep ölä paralar S.Baranovskiy adına liţeyinä verileceklär, burada önemni infrastruktura proekti giriştirilecek.
Deputat A.Tarnavskiy çizgiledi, ani N.Tretyakov adına liţeyi bücettän konmpensaţiyayı kabletsin lääzımdı. Bu liţey dä «Clasa viitorul» proektindä taradı. Kalan üüretim kurumnarı kompensaţiyayı kablettilär, çizgiledi A.Tarnavskiy. Ama bu liţey hep taa kabletmedi. Viţe-spiker N.Ormanji çizgiledi, ani danışma liţeydän var, hem komissiya onu baktı.
Deputat adadı, ani para olduynan N.Tretyakov adına liţeyi kompensaţiyayı kabledecek. Deputatlar bakılan soruşlar için seslerini verdilär.
Moldovanın hem Gagauziyanın en mekalı haberleri GRTnın Telegram kanalında!