Moldovanın MSK annattı açıklamak statusunu seçim proţesin diişmeklerindä. Komisiyada urguladılar, ani laf gider diil kanon proekti için, ama açık seslemekleri için. GHT-şunda kendi sırasında urgulȇȇrlar diil eterli haberlemäk için hem lääzımnık için avtonomiya katılsın bu açıklamalara.
«Moldova devletin MSK çıktı iniţiativaylan hem hazırladı diişmeklerin bir sırasını, angıları baalı regional seçimnerinnän Gagauziyada da bu diiştirer bütünnä proţesi. Ama bizä haberlämedilär. Biz sayȇrız, ani eer laf gidärsäydi Gagauizyanın hakları için, ozaman kanona görä biz lääzım olalım orada, açan diişmeklär bakılacȇklar»,- GHT spikerin işini bir vakıda yapan Nikolay Ormancı söledi.
MSK nışannadılar, ani laf gitmeer kanon iniţiativası için, ama sade açık bakmakların stadiyası için. Komentariyalarda Moldova1 MSK başı yardımcısı urguladı, ani tekliflär diiştirmeerlär komisiyanın haklarını Gagauziyada seçimnerin geçirilmesindä.
«Bu sade teklif, angısı geldi MSK adına. İkinci, bu diil kanon iniţiativası, neçinki MSK yok hakı kanon iniţiativalara. Üçüncü dä, bu sade publik diskusiyalar, dördüncü o tekliflär da, angıları geldilär, belli etmeerlär Moldovanın MSK kolaylıklarını geçirmää seçimneri Gagauziyada»,- Pavel Postikȇ Moldova Merkez seçim komisiya başı yardımcısı, açıkladı.
GHT başın işini götürän Nikolay Ormanji nışannadı, ani publik seslemeklerdä pay aldı GHT başın yardımcısı Georgiy Leyçu. GHT seçimnär Gagauziyada koyulu plana geçirmää iyün ayın 21-dä, ama kararlar seçimnerin geçirmesi için hem seçim organın kurulması için daava durguttu ondan sora nicä devlet kanţeläriyası ona danıştı. Bu koşullarda seçimnerin geçirmesi şüpä altında bulunȇr. Problema peydalandı ondan, ani erindeki hem milli seçim kodekslerindä ayırmaklar var.
Moldovanın hem Gagauziyanın en mekalı haberleri GRTnın Telegram kanalında!