GHT başı Dmitriy Konstantinov geçirdi brifingi, angısının süresindä laf gitti avtonomiyada cümnä-politika durumu için, angısı Başkanı arest altına almaklan baalı. O çizgiledi, ani bu olaydan sora cümnedä türlü bakışlar hem soruşlar var, bu üzerä o cuvap verdi en önemni onnardan.
«O durumnarda, açan Gagauziya başkanı Gagauziyanın önderciliindä yok nicä dursun, onun erinä izmet eder başkanın ilk yardımcısı, başka türlü yok nicä olsun. Başkan var nicä cıkarılsın görevindän sade ozaman, eer daava son kararını kabledärsä , tekrarlȇȇrım-son kararı. Sade ondan sora HT seçer karar eni seçimnär için»,- dedi spiker.
HT başı nışannadı, ani Avtonomiyada büünkü gündä zor durum.
«Biz gagauzlar diil bir sıra bütün dünneyä gösterdik, ani biz Moldovanın devletçi insannarıyız. Biz gösterdik, ani sayȇrız moldovannarı, devletimizi, hem biz bu devlettä yaşamaa isteeriz»,- nışannadı Dmitriy Konstantinov.
Yaşayannar daava uurlarından dooru kararları bekleerlär, çizgiledi HT başı.
«Biz gördük, ani sade dooruluklan herbir işi yapmaa var nicä hem daavacılar göstereceklär bu iştä kendi baamsızlıını, karar kabledärkenä dä kulanaceklar kanonnarı hem dooru kararları»,- çizgiledi GHT spikeri.
HT başı Dmitriy Konstantinov nışannadı, ani bu durumda Gagauziya kuvetleri sade kanona görä işleyeceklär.
Avtor: A. Terzi, operator: G. Stavilov, montaj: İ. Rezuneţ
Moldovanın hem Gagauziyanın en mekalı haberleri GRTnın Telegram kanalında!