Dünnä tabiat günü her yıl bakılȇr iyunün 5-dä.Bu yıl o geçti slogannan «Plastik gübürlüünnän güreşmäk». Bu tema urgulȇr, ani lääzım koymaa zaametleri plastik gübürlerin soruşunu çözmää deyni, neçinki onnar kirlederlär okeannarı,dereleri, topraa hem insanın güüdesinä da düşerlär.
Her yıl dünnedä yapılȇr 400 mln zeedä plastik.Bu sayının yarısı –bir sıra kullanılȇr, sora sıbıdılȇr. 10 proţenttan taa az tekrar işlener. Yakın 11 mln tonna plastik düşer derelerä ,göllerä, denizlerä. Plastik daalȇr küçük paycaazlara da var nicä düşsün imeya, suya, ne getirer büük zararlara saalık için, urguladı Cümnä Saalık koorumak merkezin uzmanı Elidiya Kıssa: «Belli oldu,ani mikropaycaazlar bulȇrlar kara ceerdä,mozakta,güüs südündä da. Bu işlär sinir sistemaya zarar vererlär, kan –damar sistemasına, bundan da türlü dertlär».
2021 yılda Moldovada zaametlär koyuldular kuvetlärlän ki yasak etmää bir sıra kullanmak plastiklarını, angıları çürümerlär.
«Bir sıra kullanmak için şişelär suylan – sade bir sıra da lääzım kullanılsın, ama insan satȇr onnarda sora süt,şarap. İlk sıradan lääzım sora yokedilsin.Onuştan da lääzım insana haberlemää»,- dedi uzmannar.
İnsannar urguladılar,ani savaşȇrlar kullanmama plastik kapları hem paketları,da ekologiyalı malları alternativa gibi almaa hesaba.
«Bu pek önemli.Lääzım şişeya geçmää. Biz pek kullanmȇrız, natural işleri savaşȇrız, ekologiya önemni ömür için hem insannarın salıı için».
«Sık sıra plastik konteynerları, paketları. Bilmerim, sanmȇrım,ani getirmer büük zarar saalık için. Kullanȇrız sık sıra».
«Kullanȇrız plastiii, neçinki industriya büründän bu işlän baalı ,kär küçük uşakların malları da. Bileriz,ani diil pek ii, ani hererdä tutulmȇrlar lääzımnı koşullar».
«Bu diil ii, bileriz.Diil çoktan geldi kızkardaşım, temizlik yaptık, topladık hepsini çuvallara,da getirecez lääzımnı erä. Hepsini toplȇrız, kiyatları da ayırȇrız, bu önemli».
Dünnä tabiat günü her yıl bakılȇr iyunün 5-dä.Data adalı insana haberlemää nekadar önemni ekologiya normalarını tutmaa.
Moldovanın hem Gagauziyanın en mekalı haberleri GRTnın Telegram kanalında!