Valkaneş kasabasının üçüncü uşak başçasında dolayı tertiplemäk işlerini yapêrlar. Burada olacek eni oyun eri, neredä uşaklar korkunçsuz vakıdı geçireceklär.
Valkaneş kasabasının üçüncü uşak başçasında oyun meydanı düzmäk için proekt aslıya çıkarılêr barabar TIKA agentstvosunnan. Bu taa bir adım, ki kurmaa ii koşulları küüyün uşakları için, söledi Valkaneş kasabasının primarı Nikolay Posmak:«Bizdä bu ilk proekt kasabada, biz danıştık TIKA agentstvosuna, onnar kabelttilär da kayıl oldular yardım etmää. Geldik burayı, şindi yaslada düzülerlär uşaklar için oyun meydannarı, bu pek önemni bizim uşaklara deyni».
Üçüncü uşak başçası başı Galina Karaman urguladı, ani eni düzülän oyun meydannarı pek önemni, neçinki yaslada lääzım hepsi koşullar uygun olsunnar. Burada uşaklar taa çok vakıt geçirerlär hem üürenerlär.
«Bu proekt pek lääzımnı bizim yaslamız için , bizdä hep belli edilärdi, ani yok gölgeliklär. Şindi bu proektä görä burada olêrlar oyun meydannarı, olaceklar gölgä erleri, bizdä beş gruppa var — herbir grupanın olacek oyun için kendi eri hem gölgesi, nicä da lääzım olsun»,- nışannadı Galina Karaman.
Valkaneş kasabasının üçüncü uşak başçasına 100 uşak gezer.
Avtor: A. Karapirä, operator hem montaj: L. Arfonos
Moldovanın hem Gagauziyanın en mekalı haberleri GRTnın Telegram kanalında!