ENİ İŞ ERLERİ AÇILACEKLAR

Çadırda giriştirlener büük bir proekt, angısına görä 500 eni iş erleri açılaceklar. Proektin büceti kurêr 35 million leydan zeedä.

Şindiki vakıtta burada hazırlamak işleri geçirilerlär. Kuvetlär taa sölämedilär, angı iş agentleri burada çalışaceklar, ama urgulanêr, ani bu iş zonası olacek önemni diil sade Çadır kasabası için, ama başka yaşayan erleri için dä, nışannadı primar yardımcısı Valentin Kara : «Bu proekt, angısı  aslıya çıkarılêr Moldova Respublikasınnan, finanslanêr Hükümetlän regional hem erli ilerlemäk milli fondunnan. Hep ölä dä giriştirer onu Gagauziyanın regional ilerlemäk agentlii. Çadır muniţipiyası da burada proektin partnöru olêr».

Valentin Kara çizgiledi, ani bütündän proekt kurêr 35 million leydän zeedä.

«Devlet verer 22,5 million ley, 13 millon ley da regional hem erli kontribuţiyası. Proektın statusu regional hem muniţipiya arası olêr»,- Kara çizgiledi.

Bu proekt verecek kolaylık açmaa 500 eni iş erlerini Çadır kasabasının yaşayannarına hem dolayda bulunan küülerin insannarına, Valentin Kara dedi: «Isteerim şükür etmää respublika hem regional kuvetlerini, ani kontribuţiyayı vererlär. Bıldır regional kuvetleri verdilär 5 milliondan zeedä, şindi biz danışmayı verdik kalan paralar için dä. Umutlanêrız,ani olmayacek bir da finans zorlukları da kontribuţiyayı verilecek, hem dä ani devlet tä verecek   22,5 million ley».

Bekleniler, ani meydanın düzülmesi verecek kolaylık regionun ilerlemesinä, getirecek burayı eni investiţiyaları hem taa üüsek uura kaldıracek insannarın yaşamak uurunu.

Link

Embed

Copy and paste this HTML code into your webpage to embed.

Moldovanın hem Gagauziyanın en mekalı  haberleri GRTnın Telegram kanalında!