Çadır muniţipiyasında ilerleer eni klisenin düzülmesi, angısı lääzım kaldırılsın kasabanın eni mezarın dolayında. Gagauziya Başkanı Evgeniya Guţul, üürendi nica gider klisenin düzülmesi.
Eni kliseyi Çadır kasabasının mezarın dolayında başladılar taa 2021 yılda düzmää. Çadır kasabasının klisenin popazı Sergiy Veliksarov annattı, nica geldilär fikirä eni kliseyi düzmää mezarın dolayında.
Büünkü gündä, kaldırıldı klisenin duvarları, betondan kalonnalar, düzülü aşaadakı yapı hem koyulu eni kupol. Protoiyerey Sergiy Veliksarov annattı, angı işlär lääzım yapılsın bu yılın bitkisinädan.
Gagauziya Başkanı Evgeniya Guţul nışannadı, ani her bir taraftan yardım olacek, ki taa hızlı eni klisenin düzülmesini başa çiksın deyni. Evgeniya Guţul danıştı avtonomiyanın insannarına, gelsinnär kliselerä da dua etsinnär usluluk için.
Klisä olacek Allahın gökä kaldırılması adına, burada olacek yukarkı hem aşaadakı klisä. Bundan kaarä, Gagauziya Başkanı Evgeniya Guţul kendi vizitin süresindä Çadır miniţipiyasına, dolaştı kasabanın taa iki klisesini.