Komrat kasaba nasaatı haberledi, ani cümnä seslemekleri geçeceklär, angılarında eni sokakların adları belli edilecek.Nasaatçılar söledilär kendi bakışı , nesoy variantlar var.
Komratta var birkaç eni maalä, angılarına lääzım vermää adları. Bunu Komrat mun. primarı Sergey Anastasov kasaba nasaattın oturuşunda söledi.
«Laf gider eni maalä adı için. Biz sölämeeriz , ani lääzım diiştirmää maaleleri, angılar var , bu pek prost iş. Biz istäämeriz bunu yapmaa. Ama eni maalä var , da biz isteeriz yapmaa cümnä seslemekleri , da insannar yapaceklar çıkış»,- nışannadı primar.
Kasaba nasaatında istorik Valeriy Pasat söledi , ani o yolladı mektup Komrat primariasına , o yalvarȇr bir maaleyä Komratta Efrosiniya Kersnovskaya adını vermää.O yazdı memuarları repressiyalar için.
«O kendi memuarlarında yazdı hepsi için , kiminnän lafetti , zerä 18 yıldan — 41 yıladan yaşadı burada.Pek islä o yazdı regon için , nesoy islä insannar gagauzlar , da verdi pek islä harakteristika gagauzlara»,- Valeriy Pasat söledi.
Nasaatçılar söledilär kendi bakışı bunun için.
Kasaba nasaatçısı İvan Panä söledi , ani Komratta var 240 şannı yaşayannarı , angılarının adlarını bu maalelär taşısınnar yakışȇr .
«Kasabamızda var ölä insannar , angılarını biz lääzım sayalım .Pek önemni , ani siz sayȇrsınız o vakıtların insannarını , elbetki , biz aklımızda tutȇrız repressiyaları — onnar hiç ii diildilär .Ama , hadi biz başlayalım vermää maalelerä bizim yaşayannarımızın adlarını hem koruyalım onnarı gençlerin aklılarında»,- İvan Panä söledi.
«Burada şansora sölenildi , ani biz seslemekleri teklif ederiz .Bu sayıya var nicä koyalım başka insannarı da , angıları kasabamız için çok yaptılar .Onuştan , sayȇrım , ani bu sayıda var nicä olsun Kersnovskaya adı hem başka adlar.Sanmȇȇrım , ani burada problema var»,- sayȇr Valeriy Kıssa, nasaatçı.
«Bän teklif ederim geeri dönelim. Bakalım , hem karar seçelim .Cümlä seslemeklerindä herzaman başka tekliflär da bakılȇrlar»,- kendi bakışını Tatyana Dudoglo açıkladı.
«Bän isteerim sölemä , ani bizim kasabamız büün ilerleer , genişlener hem diil taa bir eni maalä kasabamızda olacek .Onuştan olacek kimin adına onnarı adlayalım»,- sayȇr Stepan Mihaylov.
Cümnä seslemeklerin geçirmesi için kendi seslerini verdilär 16-sı kayıl , 4-ü diil kayıl , 1-si sesini kullanmadı.
Avtor: M. Tukan
Moldovanın hem Gagauziyanın en mekalı haberleri GRTnın Telegram kanalında!