2025-ci yılın Dekabri ayı artık sonuna yaklaşêr. Hererdä yortulu atmosfera duyulêr. Ama belli ki ani Eni Yıl yortusu — on en ilk aylä yortusu hem aylä adetlerin bakılması. GRT kanalı sordu Avtonomiya yaşayannarına — nesoy meraklı adetleri onnar tutêrlar.
İnsannarın taa çoyu söleer, ani severlär eni yılı en yakın insannarın arasında kaarşılamaa. Yaşayannar urgulêêrlar, ani önemni diil sade masayı donatmaa, ama toplamaa onun dolay yanĩnda yakın insannarı da evlad boylarına da brakmaa bu gözäl adetleri.
«Biz Eni Yılı bizim uşaklarımızlan kaarşılayacez».
«Hepsini bakêrız, hepsi adetleri severiz».
«Toplanêrız aylärlylän türlü datlı imekleri datmaa».
«Bakêrım hepsi adetleri, Eni Yıl, Kolada. Eni yılı bän aylämlän kutlêêrım».
«Herzaman savaşêrĩz yapmaa, imää hazırlêêrız, Eni Yılı ayläylän kaarşılêêrız».
Yaşlı insannar savaşȇrlar evlad boylarına adetlerimizä terbi etmää, ki istoriyamız hem tradiţıyalarımız unudulmasınnar deyni. Evelki adetlär büün dä bakılêrlar.
«Biz savaşêrız herbir yortuyu bakmaa.Adetlerimiz kayıb olmasın deyni».
«Evelki tradiţıyaları sayêrız, bakêrız. Kolada gezeriz,ekin ekeriz».
«Eni yılı eskiycä bakêrız. Milina fırında pişireriz.Bizdä bulgarlarda ölä geçer. Gençlär dä bilsinnär lääzım. Baksınnar onnari, ki unudulmasınnar».
«Bu yortularda çam aacı koyulêr evdä. Şen konţertlär geçiriler. Evdä dä yortuyu bakêrlar»
Yanvarin 1-dä dinnenmäk günü. Onu var nicä yaşayannar musaafirliktä geçirsinnär.
Moldovanın hem Gagauziyanın en mekalı haberleri GRTnın Telegram kanalında!