Üçüncü yıl sıradan KDU geçiriler «Erasmus» aftası. Bu yıl toplantıda pay alȇrlar Türkiyenin türlü universitetlerindän 25 üüredicileri, KDU üüredicileri hem halklararası partnörlar.
«Erasmus» programası genişleder akademik kolaylıkları hem integraţiyayı Evropa üüretmäk sistemasına, nışannadı KDU rektoru Sergey Zahariya. O çizgiledi, ani KDU herzaman hazır baalantıları tutmaa başka devletlerin univesitetlerinnän.
« Bizä deyni pek önemni, ki bölä programalar ileri dooru da ilerlesinnär. Zamandaş, KDU var yapılı 48 protokol Türkiya devletin türlü üüsek okullarınnan. Hepsi onnar universitettä 80 zeedä. Bizim için bu pek önemni, ani bizi tanȇrlar Evropa universitetlerdä. Bu diişmeklerin süresindä, ilk — bizim studentlär var nasıl tanışsınnar sınır aşırı üüsek okulların gidän praktikalarınnan. Bu proektin süresindä, bizim üüredicilär da giderlär bu memleketlerä, bu universitetlerä»,- KDU rektoru Sergey Zahariya nışannadı.
En pek esaba alındılar soruşlar, angıları baalı akademik programaların giriştirilmeleri üüsek üürenmäk okulların aralarında, hep ölä işlettirmää hem giriştirmää üüretmäk hem bilim proektleri.
Eda Güç, Türkiye Genel konsulu Komratta, nışannadı: «Türkiye devleti verer büük kolaylıkları Gagauziyanın üüretmäk sferasına. 30 yıldan zeedä bizim devletlär sıkı balantıları tutȇrlar, da bu pek önemni kaavileştirmää kultura hem da akademik baalantılarını iki devletlerin aralarında».
«Erasmus» aftası — bu diişmäk bilgilrlän Evropanın hem da Moldovanın universitetlerin aralarında, lekţiyalar, treninglar hem buluşmaklar sınır aşırı üüredicilärlän. Bir aftanın süresindä üüredicilär Türkiya devletindän geçireceklär bir sıra lekţiyaları hem master — klasları, nicä KDU studentleri için, ölä üüredicileri için.
«Bu aftanın süresindä Gagauziyada geçer «Erasmus» aftası. Bu üzerä biz geldik burayı, geldik annatmaa deyni nesoy iş oldu bu programanın süresindä. Bän annadacam, nesoy gagauzların geleceyi, perspektiva için».
«Bizim universitetimizdän geldi 4 üüredici. Neçinki bizim için Gagauziya pek önemni. Gagauzlar — bu bizim köklär, bizim evlat boylarımız».
«Erasmus» aftası toplantısı baalı gagauzların dilinnän, gagauzların kulturasınnan, hep ölä gelän baalantılarlan iki devletlar aralarında — Türkiye devletin hem da Moldova devletin aralarında».
«Erasmus» aftasının açılışı Komrat devlet universiteti için halklararası akademiya hem baalantıların bir payı, ne söleer universitetin aktiv katılması için Evropa üüretmäk programalara.
Moldovanın hem Gagauziyanın en mekalı haberleri GRTnın Telegram kanalında!