Çadır – Lungadan usta Olga Balta eski kilimneri hem palaları enileder da interyerı gözelletmäk için predmetleri yapȇr. Bitki onun işlerin birisi – yastık.
Evelki evdä kırma kilimnerdän interyera deyni tertipleri yapmak – çok vakıt hem zaamet alan iş, söleer usta Olga Balta Çadır-Lunga kasabasından. Proţes yapaadan eski kikimnerin, palaların temizlemesindän hem enilenmesindän çekeder.
«Bu eski bir pala, halı pek kötüydü. Bän onu temizledim, yıpranmış hem delinmiş erlerini ördüm. Şindi da yastıı ondan toplȇȇrım»,- söleer usta Olga Balta.
Yastıın toplamasında bu bitki işi – son dikiş. Öncä bän onu sinteponnan doldurdum, bu material, nicä söleer Olga, yastıı ilinneder hem kaba formada tutȇr.
«Bitki dikiş ortaya geldiynän, yastıın içini sinteponnan doldurȇrım, ondan çok girer. Sintepon ilin kullanılȇr evdeki koşullarda, aldıynan lääzımnı formasını, dikişi kapȇrım»,- söleer usta.
Palanın restavraţiyasından yastıın başarılmasınadan yakın iki aftaya vakıt gider.
«İlktän enilederim palayaı yada kilimi, sora onun karkasını kaldırȇrım, ölä, ki yastıın kenarları daalmasınnar. Onnarı maasuz dikişlän işlettirerim, köşelerini toplȇȇrım. Hepsi dikişlär içankı olȇrlar, bir dikiş dış yanında olȇr»,- söleer usta.
Оlga Balta urgulȇȇr, ani bu iştä kırnaklık, dayanıklık hem sevgi tradiţional incäzanaatına lääzım olsun.
Moldovanın hem Gagauziyanın en mekalı haberleri GRTnın Telegram kanalında!