El ustası Olga Kovalova Kirsovo küüyündän yakın 10 yıla örer. Halk zanaatı ona deyni – can raatlaması. Sezon rubaları, çantalar, oyuncaklar hem ev sorumnukları – diri merak hem yaradıcılık ihlamı.
El ustacılıı Kovalova Olganın aylesindä özel erdä – onun malisi hem lelüsu örärmiştilär. Onnar da gelän ustaya sevgiyi örmäk incäzanaatına terbietmişlär. Olganın ilk işleri – yapaa ipliklerindän çoraplar hem eldivennär olmuşlar. Büün örmäk giimneri hem ev tertipleri hep taa sorumnu Olganın aylesindä, örmäk ustacılıı yaşȇȇr hem ilerleer.
«Nicä da herbir çekedän, salfetkaları, sıcak çorapları hem eldivenneri, şapkaları çekettim örmää. Ama zamannan çekettim annamaa, ani zanaat uurunda lääzım büümää da rubaları başladım örmää, ilkin uşaklarıma deyni, sora da kendimä.Теksturalar da ipliklär dä başkalanȇrlar. Kalın hem inci ipliklerin kendi özellekleri. Trikotaj, ipek, yapaa ipliklerin içindekileri başkalanȇrlar. onnardan örmä işlär da başak-başka olȇrlar»,- nışannadı Olga.
Kendi ilk örmä işlerini dergilerdän hem internettan alma örneklerinä görä örärmişti. Taa sonda kendi shemalarını başlamış çıkarmaa.
«Son vakıtlarda örmäk shemalarını kendim çıkardȇrım, nesä dokuşturȇrım, internettan, dergilerdän almȇȇrım. Örärkenä annaardım, ani neredä sä var kolay diişikleri geliştirmää, bişeylär eniletmää. Açan kendin çıkardȇrsın – o başka bir işi olȇr, kendi özelliinnän»,- söledi usta.
Örmäk Kovalova Oli için – haliz incäzanaat, neredä herbir ruba, tertip detalli hem inceli.
Moldovanın hem Gagauziyanın en mekalı haberleri GRTnın Telegram kanalında!