Moldovada çeketti evropa imunizaţiya aftası. Edi günün içindä aprelin 21-dän 27-nädän geçeceklär olaylar, angılar doorulu haberlemää insanı, nekadar önemni koymaa vakţina hastalıkların profilaktikası hem salıı korumak için.
Her yıl imunizaţiya milli programasının yardımınnan Moldovada yakın 42 bin ulaşmak olayı infekţiya hastalıklarınnan yok oler, nışıannerlar mediklär. Vakţinaţiya verdi kolaylık kaybelsinnär ölä hastalıklar nicä poliemelit, stolbnäk hem başka. İisildi gepatit Bhastalıın sayısı. Bu iş için haberledi Komrat kasabasının saalık merkezin başın yardımcısı mediţina soruşlarında Valentina Fileva: «Vakţinaţiya o tek bir kolaylık infekţiya hastalıkların yok etmesindä. Da büün bu pek aktual. O koşullar angılarını yaşamak belli eder gösterer hem inandırer, ani en faydalı metod infekţyalardan korunmaa o vakţinaţiya».
Haberlemäk kompaniyanın neeti sölerlär mediklär annatmaa insannara vakţinaţiyanın lääızmnıı için neçin ki dezinformaţiya vakţinalar için getirer ona ani insan inanmeer da istämeer aş koydurtmaa. Biz üürendik insananrdan ne onnar vakţinalar için düşünerlär.
«Bän sayerım ani bu lääzım epidemiya olmasın deyni. Hem da uşaan hem büüklerin imunitetini kaldırer bhem karşı türlü hastalara oler».
«Bän sayerım ani aşlar lääzım hem büüklär hem küçüklär için neçin ki bizim güüdemiz sınaşer türlü hastalıklara, ama imunitetimiz kaavi olsun lääızm. Da aşlar bizä lääızm».
«Sayerım, ani lääzım. Ama oler ölä ani insan kabletmeer bu aşları ama taa çok kableder. Da sanerım ani aş koydurtmaa lääzm bununna kendimizi koruyerız».
«Aşlar lääızm. Doktorlar taa islää bilerlerlär ne lääızm insana. Şindi gençlär arif, ama açan uşak ulaşer geç oler. Sayerım, ani lääzım».
«Elbetki lääızm aşları koymaa, neçin ki sora başka hastalıklar var nasıl peydalansın. Bunun için sayerım ani türlü yaşta lääızm koymaa te şindi ban giderim aş koydurtmaa».
Eer varsaydı problemala saalıklan lääzım doktora danışmaa da o söleycek koymaa mı vakţinayi yada koymamaa.
«Aylä doktor verer karar aş koyması için. Eer paţient diilsäydi kayıl hem doktor izin vermärsäydi biz aş koymeeriz».
Moldovada imunizaţiya uuru insan arasında 95 proţent kurer nışannerlar uzmannar. Medik kurumnarda var lääızmnı sayıda parasız vakţinalar. Her gün saalık merkezindä paţientlar var nasıl gelsinnär da iminizaţiya proţedurasını geçsinnär.
«Biraz duygulanerım, ama bilerim ani bu benim saalıım için islää bunun için dayanacam».
«Biraz acıttı, ama dayandım. Hepsi normal».
Saalıı korumak ministerliin haberlerinä görä her yıl milli imunizaţiya programasına görä Moldovada 350 ölüm olayı kaybeler.
Moldovanın hem Gagauziyanın en mekalı haberleri GRTnın Telegram kanalında!